Samfélagsmiðlar

50 flugferðir til útlanda á dag í janúar

reykjavik vetur

Umferðin um Keflavíkurflugvöll heldur áfram að aukast hratt og í janúar komu hingað álíka ferðamenn og í júní árið 2015. Umferðin um Keflavíkurflugvöll heldur áfram að aukast hratt og í janúar komu hingað álíka ferðamenn og í júní árið 2015. Aldrei hafa fleiri Íslendingar farið til útlanda í janúar.
Það voru farnar áætlunarferðir til 46 borga í Evrópu og Norður-Ameríku frá Flugstöð Leifs Eiríksonar til í janúar og að jafnaði tóku fimmtíu farþegaþotur á dag á loft frá flugvellinum. Langflestar þeirra tóku stefnuna á Lundúnir eða ein af hverjum sex samkvæmt daglegum talningum Túrista. Auk þess var flogið til sjö annarra breskra borga og voru Bretar langfjölmennastir í hópi ferðamanna hér á landi eða ríflega 38 þúsund talsins. Bandaríkjamenn komu þar á eftir líkt og áður á þessum árstíma en þeir eru hins vegar stærsti hópurinn yfir allt árið. 

Nær enginn munur á janúar og júní

Í janúar sl. fjölgaði túristum hér um 75 prósent og í heildina voru þeir 135.999. Til samanburðar var fjöldi ferðafólks hér á landi 137.314 í júní árið 2015. Það munar því sáralitlu á heildarfjöldanum íjanúar í ár og júní í hittifyrra. Þó ber að hafa í huga að ferðamenn dvelja hér í styttri tíma yfir háveturinn en á sumrin og eins hefur vafalítið stór hluti ferðafólksins í síðasta mánuði dvalið hér yfir áramót og flogið frá landinu fyrstu dagana í janúar. Þá mynduðust nefnilega langar raðir við innritun og vopnaleit í Leifsstöð. Íslendingar voru líka oftar á ferðinni í janúar en í fyrra og því núna innrituðu 37.291 íslenskir farþegar sig í flug frá landinu og þeir hafa aldrei áður verið svona margir þennan fyrsta mánuð ársins. 

Fleiri í hverri ferð WOW en hjá Icelandair

Af þessum 50 daglegu brottförum frá Keflavíkurflugvelli í janúar þá stóð Icelandair fyrir 46,7 prósentum allra ferða en WOW 29,4 prósentum. Og samkvæmt upplýsingum frá WOW air þá flutti félagið 35 prósent allra farþegar sem flugu til og frá Keflavíkurflugvelli í janúar. Samtals flugu 170 þúsund farþegar með WOW í janúar en farþegar Icelandair voru 205.734. Að jafnaði sátu því 186 farþegar í hverri flugferð WOW en 142 hjá Icelandair. Hluti af skýringunni á þessum mun liggur í ólíkum flugfluta félaganna en WOW air hefur fleiri stærri þotum að ráða en Icelandair.
Eins og sjá má á töflunni hér fyrir neðan þá standa íslensku flugfélögin tvo undir um bróðurparti alla flugferða til og frá landinu eða nærri átta af hverjum tíu ferðum.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …