Það þarf ekki að kosta mikið að borða hjá stjörnukokki í sænsku höfuðborginni. Það þarf ekki að kosta mikið að borða hjá stjörnukokki í sænsku höfuðborginni.
Veitingahúsarýnar Michelin hafa verið nokkuð örlátir á stjörnunar í ferðum sínum um Stokkhólmi og þar eru í dag að finna 10 matsölustaði með annað hvort eina eða tvær stjörnur. Þriggja rétta máltíð á þess háttar stað kostar varla undir sænskum þúsund kalli (um 13.000 kr.) og þá á eftir að kaupa drykki. Blessunarlega er þó hægt að komast í mat hjá sænsku meistarakokkunum án þess að borga svona mikið svo lengi sem maður er til í að láta rassvasa Michelinstaðarins duga. En í Svíþjóð er hefð fyrir því að dýrir og fínir matsölustaðir reki líka einn ódýrari, ofasta í sama hús, sem kallaður er bakficka eða rassvasi.
Og Túristi mælir óhikað með heimsókn á þessa þrjá.
Oaxen
Eftir að hafa þrætt söfnin á Djurgården eða gengið á milli tívolítækja þá er gott að þurfa ekki að leita langt eftir mjög góðum mat. Og þeir sem vilja gera sérstaklega vel við sig geta þá reynt að fá eitt af þeim 26 stólum sem eru í boði á Oaxen Krog en sá staður er með tvær Michelin stjörnur og matseðill kvöldsins er á ca. 25 þúsund krónur á mann. Hráefni staðarins er sótt í nágrennið og í sænsku sveitirnar og sömu línu er fylgt á Oaxen Slip þó verðlagið sé þar mun viðráðanlegra. Til að mynda er hægt að fá þriggja rétta smakkmatseðil í hádeginu á 145 sænskar (um 1900 kr.). Á kvöldin eru úrvalið af kjötréttum oftast gott og hægt að velja á milli lambs, grísakjöts eða einhverja villibráð. Einnig er þar fiskur og grænmetisréttir. Aðalréttirnir kosta þá á bilnu 200 til 335 sænskar (um 2500 til 4300 kr.).
Heimasíða Oaxen Slip
Speceriet
Fyrir nokkrum árum síðan hinn kunni breski matgæðingur AA Gill úttekt á matarkúltúrnum í Stokkhólmi og sagðist hvergi hafa fengið betri og meira spennandi mat en á hinum þá nýstofnaða Gatrologik. Stuttu síðar fékk staðurinn svo Michelin stjörnu og hefur haldið henni allar götur síðan. Á Gastrologik er eldað í anda norræna eldhússins og árstíðirnar ráða för. Það sama er upp á teningnum á Speceriet, pínkulitlum rassvasa, við hliðina á Michelinstaðnum. Þar sitja gestirnir við langborð og geta valið á milli nokkurra rétta sem seint verð taldir týpískir. Þarna eru sænskar kusur eldaðar á margvíslegan hátt, grísir rata líka oft upp á borð og fulltrúar hafsins komast alltaf á matseðilinn. Grænmetisréttirnir eru líka frumlegir og það er næsta víst að maður fær nýtt bragð í munninn þegar borðað er á Speceriet.
Réttirnir eru ekki ýkja stórir og þeim er oft auðvelt að deila. Það er því kjörið fyrir tvo að taka alla vega 3 aðalrétti en þeir kosta á bilinu 145 til 174 sænskar (1800-2200 kr.). Í hádeginu kostar matseðilinn 135 sænskar (1700 kr).
Heimasíða Speceriet
Flying Elk
Í Stokkhólmi eru þrír veitingastaðir með tvær stjörnur og við eldavélina á einum þeirra stendur Björn Frantzén. Þessi fertugi kokkur lætur ekki þar við sitja því hann gefur líka út kokkabækur og hefur spreytt sig fyrir framan sjónvarpsvélarnar. Frantzén á líka nokkra aðra veitingastaði og einn þeirra er gastrópöbbinn Flying Elk í Gamla Stan. Þar er klassískum öldurhúsamat lyft upp á hátt plan og það er til að mynda leit að betri hamborgara í Stokkhólmi eða Fish´n´chips enda kostar herlegheitin um 3 þúsund íslenskar krónur. Og líkt og á góðum pöbbum þá er hægt að velja á milli ófárra tegundi af öl til að drekka með matnum. Flying Elk er nokkuð stór staður og því hægt að komast að með lítinn hóp en það borgar sig að panta borð. Það er aðeins opið í hádeginu um helgar á Flying Elk en aðra daga opnar klukkan 17.
Heimasíða Flying Elk
—
Yfir helgar er hægt að fá ódýrara far með Arlanda Express hraðlestinni frá flugvellinum og niður í bæ. Sjá hér
