Samfélagsmiðlar

Helmingi ódýrari flugmiðar til Alicante

alicante

Þeir sem bóka í dag sumarflug til Alicante gætu fengið mun ódýrari farmiða en þeir sem voru í sömu sporum í hittifyrra. Þeir sem bóka í dag sumarflug til Alicante geta fundið mun ódýrari farmiða en þeir sem voru í sömu sporum í hittifyrra. Talsmaður Norwegian telur að félagið geti fengið fleiri Spánverja til að nýta sér flugið hingað frá borginni.
Frá Íslandi er flogið til ríflega 80 áfangastaða og eins og gefur að skilja getur fámenn þjóð eins og Íslendingar ekki haldið uppi öllu þessu flugi. Bróðurpartur farþeganna eru því erlendir ferðamenn eða skiptifarþegar. Hins vegar hafa sætin í flugvélunum sem fljúga héðan til Tenerife, Kanarí og Alicante aðallega verið skipuð Íslendingum og áætlunarflugið til þessara spænsku áfangastaða hefur verið á vegum íslenskra flugfélaga og ferðaskrifstofa.

Margir Íslendingar búsettir á svæðinu

Á því verður breyting í vor þegar norska lággjaldaflugfélagið Norwegian hefur flug hingað frá Alicante. Astrid Mannion-Gibson, upplýsingafulltrúi Norwegian, segist í svari til Túrista ekki vera í vafa um að hægt sé að fá fleiri íbúa Alicante til að ferðast til Íslands. „Alicante hérað er fimmta fjölmennasta svæði Spánar með 1,8 milljónir íbúa og auk þess búa 2,7 milljónir manna í innan við klukkutíma akstursfjarlægð frá flugvelli borgarinnar. Það er því góður grundvöllur fyrir því að auka umferð frá Spáni til Íslands.“ Astrid Mannion-Gibson bætir því við að Norwegian sé þekkt flugfélag í Alicante og hafi um milljón farþegar flogið með flugfélaginu þaðan í fyrra sem var aukning um nærri fimmtung frá árinu á undan. „Við ættum því að geta fengið fleiri Alcante-búa til að heimsækja Ísland. Einnig má benda á að 45 prósent þeirra nærri 1400 Íslendinga sem eru með lögheimili á Spáni búa einmitt á Alicante svæðinu og því ferðast margir Íslendingar þangað.“

Primera og WOW hafa lækkað

Síðustu ár hafa WOW air og Primera Air verið ein um áætlunarferðirnar til Alicante og sala á farmiðum félaganna hófst fyrir nokkur síðan á meðan Norwegian var að hefja sölu á flugi sínu til Alicante. Það er líklega helsta skýringin á þeim verðmun sem er í dag á farmiðaverði Norwegian og hins vegar Primera Air og WOW. Eins er framborð á ódýrum dagsetningum mun meira hjá norska flugfélaginu. Eins og sjá má á töflunni hér fyrir neðan þá kostar ódýrasta farið með Norwegian, báðar leiðir með farangri, um 28 þúsund í júní en um 39 þúsund hjá WOW og 41þúsund hjá Primera Air.
Sumarfargjöld síðarnefndu flugfélaganna eru hins vegar í dag um helmingi lægri en þau voru í ársbyrjun 2015. Þá kostaði ódýrasti farmiðinni í júní það ár 68 þúsund hjá Primera en 63 þúsund hjá WOW samkvæmt verðkönnun sem Túristi frá því í janúar 2015.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …