Samfélagsmiðlar

Auglýst eftir sérfræðingi til að sinna eftirliti með heimagistingu

reykjavik Tim Wright

80 einstaklingar hafa fengið leyfi fyrir heimagistingu en um áramót gengu í gildi ný lög um skammtímaleigu á íbúðahúsnæði. 80 einstaklingar hafa fengið leyfi fyrir heimagistingu en um áramót gengu í gildi ný lög um skammtímaleigu á íbúðahúsnæði og nú er óskað eftir starfsmanni til að sinna skráningu og eftirliti.
Nú takmarkast skammtímaleiga á íbúðahúsnæði við 90 daga á ári og tekjur af leigunni mega ekki fara yfir 2 milljónir á tímabilinu. Skipta má þessum 90 dögum milli tveggja eigna, til dæmis íbúðarhúsnæði og sumarbústaðar en skrá verður allar gistingar samkvæmt nýjum lögum um heimagistingu sem tóku gildi um áramót. Það er Sýslumaðurinn á höfuðborgarsvæðinu sem sér um skráningar og annast eftirlit með heimagistingu og auglýsir embættið nú eftir sérfræðingi í verkið. Á viðkomandi meðal annars að sinna rafrænu eftirlit með skráningarskyldum aðilum á landsvísu og undirbúa stjórnsýslumál í samráði við lögfræðinga embættisins samkvæmt því sem segir í atvinnuauglýsingu.
Hámarkssekt vegna brota á lögum um heimagistingu nemur einni milljón króna en líkt og Túristi greindi frá þá er líka tekið við ábendingum um brot frá almenningi.

Heilbrigðisvottorðið er flöskuháls

Í dag hafa 80 einstaklingar fengið úthlutuð leyfisnúmer hjá Sýslumanni og eru nöfn þeirra birt á vefnum Heimagisting.is. Samkvæmt nýju reglunum er leigusölum skylt að birta leyfisnúmerin í allri markaðssetningu og kynningarstarfsemi m.a. á bókunarvefjum eins og Airbnb. Nærri fjögur þúsund íbúðir, herbergi eða hús voru á lista hjá Airbnb hér á landi þegar bandaríska fyrirtækið gaf síðast upplýsingar um umsvif sín á Íslandi. Túristi hefur óskað reglulega eftir nýjum tölum frá upplýsingafulltrúa fyrirtækisins en ekki fengið.
Hver sem fjöldi íslenskra gistikosta er í dag á skrá Airbnb þá er ljóst að aðeins lítill hluti leigusala hefur sótt um skráningu. Krafa um vottun heilbrigðisnefnda skýrir að einhverju leyti þessar fáu skráningar því líkt og kom fram í frétt RÚV þarf að skoða hverja einustu eign sem sótt er um leyfi fyrir. Samkvæmt upplýsingum frá umhverfisráðuneytinu stendur hins vegar til að fella niður skilyrðið um vottun heilbrigðisnefnda í nýju frumvarpi sem lagt verður fyrir á næstunni. Í framhaldinu yrði starfsemin einungis skráningarskyld í stað þess að leita þurfi sérstaks leyfis frá stjórnvöldum. 

Skráningin verður margfalt ódýrari

Með þessum breytingum verður það líka mun ódýrara fyrir einstaklinga að skrá íbúðir sínar því í dag kostar vottorð frá heilbrigðisnefnd, fyrir heimagistingu, hátt í 50 þúsund krónur. Við þann kostnað bætist árlegt 8 þúsund króna skráningargjald til Sýslumanns og 560 kr. til Þjóðskrár. Þess má geta að heilbrigðisvottorð fyrir gistiheimili kostar litlu meira en fyrir eitt herbergi í heimagistingu.
Niðurfelling kröfunnar um heilbrigðisvottorð gerir því skráningu á heimagistingu ekki aðeins einfaldari heldur líka mun ódýrari. Það er hins vegar athyglisvert að stuttu eftir að ný lög öðlast gildi þá þarf að gera á þeim veigamiklar breytingar og á meðan eru þúsundir eigna hér á landi leigðar til ferðamanna út til án tilskilinna leyfa.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …