Samfélagsmiðlar

Nokkrir íslenskir flugfarþegar stöðvaðir í hverri viku

Mörg lönd gera kröfu um að vegabréf ferðamanna séu í gildi í lengri tíma eftir að heimsókn lýkur. Þessi regla setur reglulega strik í ferðaplön ófárra Íslendinga.

vegabref 2

Landamæraeftirlit hefur verið hert víðs vegar í heiminum og nú krefjast fleiri ríki þess að vegabréf ferðamanna séu gild í annað hvort 3 eða 6 mánuði frá þeim degi sem þeir yfirgefa viðkomandi land. Þannig verður Íslendingur á leið frá Kína eða Taílandi þann 1. mars nk. að vera með vegabréf sem gildir að lágmarki fram í byrjun september.
Þessar kröfur koma reglulega aftan að íslenskum ferðalöngum því vikulega koma upp nokkur tilvik þar sem íslenskum farþegum er ekki hleypt um borð í tengiflug, til að mynda frá meginlandi Evrópu til Asíu eða Afríku, vegna þess vegabréf viðkomandi rennur út eftir of stuttum tíma samkvæmt upplýsingum frá borgararþjónustu utanríkisráðuneytisins.

Á ábyrgð farþeganna sjálfra

Farþegarnir komast nefnilega frá Íslandi til Evrópu þó gildistími vegabréfsins sé stuttur og því kemur vandamálið fyrst upp þegar fara á um borð í flugvélina sem flýgur til þess lands þar sem krafa er gerð um lengri gildistíma ferðaskilríkja. Áður fyrr gátu íslensk sendiráð og ræðismenn framlengt vegabréf en í árslok 2015 tóku í gildi reglur sem kveða á um að þess háttar skilríki eru ekki lengur gild. Það er því ekkert hægt að gera til að aðstoða farþega með of gömul vegabréf og flugfélögum ber ekki skylda til að endurgreiða farmiða sem ekki nýtast vegna svona mála. Það eru því allar líkur á að farþeginn sitji uppi með tjónið og geti ekki haldið ferðalaginu áfram samkvæmt því sem Túristi kemst næst. En eins og gefur að skilja kostar farmiði frá Evrópu til Asíu í langflestum tilfellum tugi þúsunda.
Það eru helst lönd í Asíu og Afríku þar sem reglur kveða á um að vegabréf ferðamanna séu gild í lengri tíma eftir að þeir eru farnir frá landinu en Bandaríkin gera það einnig. Hins vegar getur enginn heimsótt Bandaríkin án þess að hafa fengið ESTA ferðaheimild og hún er bara veitt ef gildistími vegabréfsins er nægjanlega langur.
Sjá nánari upplýsingar á vef borgaraþjónustu utanríkisráðuneytisins

Nýtt efni

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …

Bílaleigan Hertz stóð tæpt í lok heimsfaraldursins og þá tók forstjórinn Stephen Scherr þá djörfu ákvörðun að panta 100 þúsund bíla frá Tesla. Með þessu átti Hertz verða leiðandi í útleigu á rafbílum og vöktu viðskiptin mikla athygli. Ekki leið á löngu þar til Tesla hafði lækkað verðið á nýjum bílum umtalsvert og um leið …