Samfélagsmiðlar

Fá ekki auglýsta brottfarartíma á Keflavíkurflugvelli fyrir Kanadaflug

aircanada

Forsvarsmenn Air Canada ætluðu sér að fljúga frá Íslandi í morgunsárið en þeim varð ekki að óska sinni. Samt hefur félagið ekki ennþá breytt flugáætluninni á heimasíðu sinni. Forsvarsmenn Air Canada ætluðu sér að fljúga frá Íslandi í morgunsárið en þeim varð ekki að óska sinni. Samt hefur félagið ekki ennþá breytt flugáætluninni á heimasíðu sinni.
Í sumarbyrjun mun Air Canada hefja flug hingað til lands frá bæði Montreal og Toronto í samkeppni við Icelandair og WOW. Þessi áform voru kynnt í tilkynningu frá þessu stærsta flugfélagi Kanada byrjun febrúar og þar sagði að vélar félagsins myndu fljúga frá Íslandi klukkan hálf níu að morgni alla daga vikunnar að fengnu samþykki yfirvalda. Sala á farmiðum hófst á sama tíma.
En líkt og Túristi greindi frá í kjölfarið þá er morguntraffíkin frá Keflavíkurflugvelli þung og nokkrar brottfarir á dagskrá á nákvæmlega sama tíma og Air Canada auglýsti fyrir sínar brottfarir frá Íslandi til Kanada. Og samkvæmt upplýsingum frá Isavia þá fékk kanadíska flugfélagið ekki umbeðna brottfarartíma en úthlutun þeirra er á borði sjálfstæðs samræmingarstjóra en ekki Isavia líkt og reglur EES gera ráð fyrir.

Voru á biðlista

Þrátt fyrir að þetta hafi legið fyrir þá hafa forsvarsmenn Air Canada ekki breytt áætlun Íslandsflugsins á heimasíðu sinni og sá sem bókar far með félaginu í dag til Kanada gengur út frá því að brottför verði frá Keflavíkurflugvelli klukkan 8:30. Túristi hefur beðið um skýringar á ósamræminu hjá upplýsingafulltrúa Air Canada en hefur ekki fengið viðbrögð fyrr en nú. Í svari félagsins segir að upphaflega flugáætlunin hafi gert ráð fyrir lendingu á Keflavíkurflugvelli klukkan tíu mínútur í sjö að morgni og brottför klukkan hálf níu. Flugélagið hafi verið á biðlista eftir þessum tímum en nú þegar ljóst er að tímarnir verði ekki lausir muni uppfærð flugáætlun birtast á heimasíðu Air Canada í vikunni. Samkvæmt henni munu þotur kanadíska flugfélagsins lenda á Keflavíkurflugvelli klukkan níu að morgni og taka á loft klukkutíma síðar.

Mikil samkeppni í sumar

Eins og áður segir þá fljúga bæði Icelandair og WOW air til Montreal og Toronto. Auk þess býður Icelandair upp á áætlunarflug til Vancouver, Halifax og Edmonton en þegar Icelandair hóf að fljúga til síðastnefndu borgarinnar árið 2014 varð það til þess að Air Canada dróg úr Evrópuflugi sínu þaðan. Það hafði reyndar verið mjög takmarkað og þess vegna þurftu íbúar þessarar ríflega milljón manna borgar að millilenda í Calgary á leið sinni til Evrópu.
Nú er hins vegar ljóst að félögin tvö, auk WOW air, munu í sumar keppa um hylli farþega á leið milli Íslands og Kanada.

SMELLTU TIL AÐ SJÁ HVAÐA FLUGFÉLÖG FLJÚGA HVERT Í SUMAR

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …