Samfélagsmiðlar

Frændþjóðirnar fjölmenna til Fort Myers á Flórídaskaganum

florida fort myers

Vesturströnd Flórída nýtur nú sívaxandi vinsælda meðal Skandinava og eru það hinar barnvænu strendur sem laða að. Í ár stóreykst framboð á flugi héðan til Flórída. Vesturströnd Flórída nýtur nú sívaxandi vinsælda meðal Skandinava og eru það hinar barnvænu strendur sem laða að. Í ár stóreykst framboð á flugi héðan til Flórída.
Hátt í tvöfalt fleiri skandinavískir ferðamenn fóru um bæina Fort Myers og Sanibel á vesturströnd Flórída í fyrra en í hittifyrra. Þar með eru frændþjóðir okkar orðnar einn fjölmennasti ferðamannahópurinn á þessu svæði samkvæmt tilkynningu frá ferðamálaráði Fort Myers. Þar kemur fram að það séu einna helst barnafjölskyldur sem bókir ferðir þangað enda eru strendurnar aðgrunnar og sjórinn oftast stilltur. Öfugt við það sem fólk eigi að venjast víða við austurströndina. Ferðafrömuðir vilja líka meina að á vesturströnd Flórídaskagans upplifi fólk hina gömlu Flórída og stemningin þar sé allt önnur og rólegri en austan megin og sérstaklega við Miami þar sem fjörið er ívið meira.

Miklu fleiri Flórídaferðir frá Íslandi

Fort Myers er hluti af fastalandinu á meðan Sanibel er eyja en á þessu svæði er að finna hundruðir slíkar. Út á flestar þeirra stærri liggja brýr á meðan aðeins er hægt að fara sjóleiðina út á þær minni. Nálægðin við hafið gerir það svo að verkum að alls kyns báta- og sjósport nýtur vinsælda meðal ferðalanga á svæðinu, til að mynda kajakróður. 
Um áratugaskeið hefur Icelandair boðið upp á áætlunarflug frá hausti og fram á vor til Orlando en félagið bætir svo við reglulegu flugi héðan til Tampa í haust. Frá báðu þessum borgum tekur um 2 tíma að keyra til Fort Myers og vegalengdin er álíka frá Miami en þangað hefur WOW air flug í byrjun apríl.

Smelltu hér til að gera verðsamanburð á bílaleigubílum í Orlando, Miami og Tampa.


Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …