Samfélagsmiðlar

Helmingi færri ferðamenn ef náttúrupassinn hefði verið samþykktur

erlendir ferdamenn

Það stefnir í að alla vega 2,2 milljónir ferðamanna heimsæki Íslandi í ár sem er miklu meiri fjöldi en sérfræðingarnir sem mæltu með náttúrupassanum sáu fyrir.
Árið 2017 átti að verða það ár sem fjöldi erlends ferðafólks hér á landi færi í fyrsta skipti yfir eina milljón samkvæmt spá Boston Consulting Group sem kynnt var í Hörpu í september 2013. En sérfræðingar ráðgjafafyrirtækisins höfðu mánuðina á undan unnið að rannsóknum á íslenskri ferðaþjónstu og var afrakstur vinnunnar kynntur á fundinum. Þá voru líka gerðar tillögur að framtíðarskipulagi ferðamála hér á landi og lögðu sérfræðingar Boston Consulting Group til að náttúrupassi yrði tekinn upp. Í kjölfarið lagði þáverandi ráðherra ferðamála, Ragnheiður Elín Árnadóttir, fram umdeilt frumvarp um náttúrupassa sem hún dró svo tilbaka í hittifyrra.
Eins og sjá má á grafinu hér fyrir neðan þá hefur spá Boston Consulting Group reynst órafjarri raunveruleikanum og fór hún reyndar strax út af sporinu árið eftir að hún var birt. Þá var skekkjan orðin 17 prósent og í fyrra var hún 79 prósent. Í ár gera svo spár Isavia og greiningadeilda bankanna fyrir alla vega 2,2 milljónum ferðamanna eða tvöfalt fleiri en Boston Consulting Group gerðo ráð fyrir að þeir yrðu árið 2017.
Þess ber þó að geta að spá ráðgjafanna var tvískipt og reiknuðu þeir með að færri myndu heimsækja landið ef ráðleggingum þeirra yrði ekki fylgt. Náttúrupassinn og ýmislegt annað sem Boston Consulting Group lagði til átti s.s. að ýta undir ferðamannastrauminn á meðan að vöxturinn yrði hægari miðað við þáverandi fyrirkomulag í greininni. Hins vegar hefur komið á daginn að óbreytt stefna í ferðaþjónustunni hefur skilað það miklum vexti að síðustu daga hefur formaður Samtaka ferðaþjónustunnar lagt til að böndum verði komið á flugumferð til og frá landinu

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …