Samfélagsmiðlar

Ólíklega hægt að mismuna flugfélögum eftir heimalandi

kef farthegar

Það kann að stríða gegn alþjóðlegum reglum í fluggeiranum að ætla að takmarka umsvif erlendra flugfélaga á Keflavíkurflugvelli líkt og formaður Samtaka ferðaþjónustunnar vill að rætt verði. Það kann að stríða gegn alþjóðlegum reglum í fluggeiranum að ætla að takmarka umsvif erlendra flugfélaga á Keflavíkurflugvelli líkt og formaður Samtaka ferðaþjónustunnar vill að rætt verði.
Á fimmtudaginn lagði Grímur Sæmundsen, formaður SAF, til að lággjaldaflugfélög, sem aðeins fljúga til Íslands yfir sumarmánuðina, verði neitað um lendingarleyfi á Keflavíkurflugvelli en fái í staðinn afgreiðslutíma á Akureyri eða Egilsstöðum. Tilgangurinn með þessu yrði sá að draga úr hröðum vexti ferðamanna og stuðla að betri dreifingu þeirra um landið. Það eru hins vegar aðallega hefðbundin félög eins og Lufthansa og Air Canada sem takmarka áætlunarferðir til Íslands við háannatímann en ekki lággjaldaflugfélög líkt og kom fram í úttekt Túrista fyrir helgi. Í framhaldinu viðraði Grímur þá hugmynd að gripið yrði til stýringar á umsvifum erlendra flugfélaga í flugi hingað til lands til að tryggja hóflega fjölgun ferðamanna líkt og kom fram í fréttum Stöðvar 2

Ekki hægt að neita flugfélögum um lausa tíma

Það er hins vegar ósennilega að hægt yrði að mismuna flugfélögum eftir því frá hvaða löndum þau koma samkvæmt Frank Holton, framkvæmdastjóra Airport Coordination, fyrirtækisins sem sér meðal annars um úthlutun lendingarleyfa á Keflavíkurflugvelli. „Allar breytingar, bæði rýmkanir og takmarkanir, verða að ná til alla flugrekstraraðila,“ segir í svari Holton við fyrirspurn Túrista. „Öllum er frjálst að koma með hugmyndir sem þessar en það er ekki hægt að neita flugfélögum um lendingarleyfi svo lengi sem það eru lausir afgreiðslutímar á flugvellinum,“ bætir Holton við og bendir á að á Keflavíkurflugvelli séu þrír dagspartar þar sem nánast allir tímar eru uppbókaðir en nóg laust utan þeirra. En líkt og Túristi sagði frá þá býður Isavia núna afslætti til þeirra flugfélaga sem vilja nýta þá hluta dagsins sem eru minna bókaðir, meðal annars til að dreifa umferðinni jafnar yfir daginn.

Hefur ekki trú á samkeppnishindrunum

Skúli Mogensen, forstjóri og eigandi WOW air, segist aðspurður um hugmyndir Gríms að hann hafi ekki trú á sértækum takmörkunum eða samkeppnishindrunum. „Hinsvegar er löngu orðið aðkallandi að stjórnvöld og Ísavía komi sér saman um framtíðarstefnumótun og framkvæmd á Keflavíkurflugvelli sem í mínum huga ætti að miðast að því að gera flughöfnina að alþjóðlegum tengiflugvelli og hann hannaður samkvæmt því.  Stækkun Keflavíkurflugvallar ásamt stóraukinni innviðafjárfestingu er orðið löngu tímabær og mundi vera fljót að skila sér tilbaka ef rétt er að henni staðið,“ segir Skúli.

Íslenskur flugfélögin með bróðurpart ferða

Þó erlendum flugfélögum fjölgi hratt hér á landi þá standa Icelandair og WOW ennþá undir langflestum ferðum til og frá landinu. Í síðasta mánuði voru til að mynda þrjár af hverjum fjórum áætlunarferðum frá Keflavíkurflugvelli á þeirra vegum samkvæmt talningu Túrista. Þetta hlutfall hefur hins vegar verið að lækka síðustu ár og til að mynda var vægi erlendra flugfélaga í umferðinni um Keflavíkurflugvöll um 9 prósent í febrúar 2013. Hins vegar er um helmingur farþega Icelandair skiptifarþegar og hlutfallið þess háttar farþega mun vera sambærilegt hjá WOW. Með erlendur flugfélögunum koma nær eingöngu erlendir ferðamenn.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …