Samfélagsmiðlar

Bílaleigubílar við Leifsstöð dýrastir en þó þriðjungi ódýrari en í fyrra

Þrátt fyrir styrkingu krónunnar þá kostar minna að bóka bílaleigubíl við Flugstöð Leifs Eiríkssonar núna en í fyrra. Íslendingar á leiðinni út í sumar geta líka bókað sér ódýari bíla en munurinn á milli mánaða er töluverður.

island anders jilden

Síðastliðið sumar og í hittifyrra þurftu ferðamenn hér á landi að borga að lágmarki um 9 þúsund krónur á dag fyrir afnot af bílaleigubíl sem afhentur var við Flugstöð Leifs Eiríkssonar og leigður í 2 vikur. Í dag er ódýrasta meðalverðið hins vegar 6.209 krónur eða um helmingi lægra. Þrátt fyrir verðlækkunina þá er bílaleiguverðið við Keflavíkurflugvöll nokkru hærra en við flugstöðvar á meginlandi Evrópu samkvæmt árlegum könnunum Túrista sem framkvæmdar eru um mánaðarmótin mars-apríl. Bilið er þó mun minna en áður eins og sjá má á grafinu hér fyrir neðan.
Líkt og í fyrri könnunum Túrista þá var stuðst við leitarvél Rentalcars sem er eitt umsvifamesta fyrirtæki heims í miðjun bílaleigubíla og í öllum tilvikum er um að ræða bíla með kaskótryggingu og ótakmarkaðan akstur.

Líka lægra verð hjá leigunum sjálfum

Verðlækkunin hér heima nær þó ekki bara til leitarvélar Rentalcars því athuganir Túrista síðustu ár leiða líka í ljós að leiguverðið hjá tveimur af stærstu bílaleigum landsins, Hertz og Avis, hefur líka lækkað. Á sama tíma í fyrra og hittifyrra kostaði ódýrasti bíllinn hjá Hertz við Leifsstöð 203 þúsund krónur fyrir seinni hluta júlímánaðar. Í dag er leigan 132.200 krónur hjá Hertz fyrir þetta sama tímabil. Sá sem leigir hjá Avis greiðir 121.999 krónur en bíll af minnstu gerð hjá bílaleigunni kostaði 220 þúsund í fyrra og 214 þúsund í hittifyrra.
Þessi verðlækkun á íslenska markaðnum á sér stað á sama tíma og krónan hefur styrkst um 15% gagnvart evru og því var viðbúið að leiguverðið hefði hækkað sem því nemur milli ára. Raunin er hins vegar önnur og erlendur ferðamaður sem bókar bílaleigubíl í dag fyrir Íslandsferð sumarsins getur því fundið nokkru ódýrari bílaleigubíl við Keflavíkurflugvöll en síðustu ár.

Ódýrara fyrir íslenska túrista

Íslendingur á leið til Evrópu í sumar borgar líka minna fyrir bílaleigubíl núna en í fyrra við margar af þeim flugstöðum sem flogið er beint til frá Íslandi. Aðeins í Ósló, Genf og París hefur meðalverðið hækkað frá því í fyrra eins og sjá má hér fyrir neðan. Hins vegar má finna helmingi ódýrari bílaleigubíla í Alicante og í Kaupmannahöfn um þessar mundir en í fyrra og hittifyrra. Það getur hins vegar verið mjög mikill verðmunur á milli tímabila og víðast hvar er mun dýrara að hafa leigja bíl seinni hlutann í júlí en í júní eða ágúst. Það á líka við hér á landi því bílarnir eru mun ódýrari í júní en seinna um sumarið.
Rétt er að taka fram að Rentalcars.com er samstarfsaðili Túrista og heldur úti bílaleiguleitarvél síðunnar.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …