Samfélagsmiðlar

Flug til Akureyrar og 58 erlendra borga

Flugumferðin um Keflavíkurflugvöll heldur áfram að aukast um tugi prósenta á milli ára og bilið milli íslensku flugfélaganna minnkar. Gera má ráð fyrir að um 155 þúsund erlendir ferðamenn hafi verið á landinu í mars. Flugumferðin um Keflavíkurflugvöll heldur áfram að aukast um tugi prósenta á milli ára og bilið milli íslensku flugfélaganna minnkar. Gera má ráð fyrir að um 155 þúsund erlendir ferðamenn hafi verið á landinu í mars.
SAS, Norwegian og easyJet eru þau erlendu flugfélög sem eru stórtækust í Íslandsflugi yfir vetrarmánuði og þannig hefur það verið um nokkurra ára bil. Í síðasta mánuði stóðu þessi þrjú flugfélög fyrir um 15 prósent af öllum áætlunarferðum til og frá landinu á meðan þrjár af hverjum fjórum ferðum voru á vegum Icelandair og WOW air.
Munurinn á umsvifum íslensku flugfélaganna tveggja verður hins vegar sífellt minna. Í mars árið 2014 var Icelandair til að mynda með 71,8% allra ferða frá Keflavíkurflugvelli en hlutfallið var 45,3% í síðasta mánuði eins og sjá má á skífuritinu hér fyrir neðan. 
Sem fyrr er umferðin til London mun meiri en til nokkurs annars áfangastaðar á þessum tíma árs. Lætur nærri að farnar hafi verið 10 áætlunarferðir á dag frá Flugstöð Leifs Eiríkssonar til bresku höfuðborgarinnar en næst á eftir kemur Kaupmannahöfn en að jafnaði voru farnar um fjórar ferðir þangað á degi hverjum.
Stóra breytingin frá því í mars í fyrra er sú að nú er einnig boðið upp daglegt flug frá Keflavíkurflugvelli til Akureyrar en innanlandsflug hefur hingað til ekki staðið farþegum í Flugstöð Leifs Eiríkssonar til boða nema í mjög takmörkuðu mæli yfir sumarmánuðina. Þessar áætlunarferðir Flugfélag Íslands eru þó aðeins fyrir farþega sem eru á leið í eða úr millilandaflugi.

Þriðjungi fleiri ferðamenn?

Í janúar og febrúar fjölgaði erlendu ferðafólki hér á landi um 59,5 prósent en miðað við hvert hlutfall túrista hefur verið í áætlunarflugi héðan í mars síðustu ár þá má gera ráð fyrir að héðan hafi flogið um 155 þúsund erlendir ferðamenn í síðasta mánuði. Þeim hefur þá fjölgað um rúmlega þriðjung frá því í mars í fyrra. Það kemur hins vegar í ljós hvort aukningin hafi verið meiri eða minna en þriðjungur þegar Ferðamálastofa birtir talningu sína fyrir marsmánuð síðar í þessari viku.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …