Samfélagsmiðlar

Mikil fjölgun farþega á Akureyrarflugvelli

flugfelag islands

Nærri fjórðungi fleiri flugu til og frá Akureyri í mars sem er mun meiri viðbót en á öðrum innanlandsflugvöllum. Nærri fjórðungi fleiri flugu til og frá Akureyri í mars sem er mun meiri viðbót en á öðrum innanlandsflugvöllum.
18.544 farþegar fóru um Akureyrarflugvöll í síðasta mánuði sem er aukning um 3.460 farþega frá sama tíma í fyrra. Viðbótin fyrir norðan nemur 23% en farþegafjöldinn á Reykjavíkurflugvelli nam tíund samkvæmt tölum frá Isavia. Aukningin á Akureyrarflugvelli er því líklegast að mestu tilkomin vegna daglegra áætlunarferða þaðan til Keflavíkurflugvallar á vegum Flugfélags Íslands. Fyrsta ferð félagsins á þessari leið var farin í lok febrúar og mars var því fyrsti heili mánuðurinn þar sem þessi flugleið er starfrækt yfir vetur en um árabil hefur Flugfélag Íslands, í samtarfi við Icelandair, boðið upp á stakar ferðir yfir sumarmánuðina.

Mikilvæg tenging innanlands- og millilandaflugs

Flugleiðin milli Akureyrar og Keflavíkurflugvallar er þó ekki hefðbundið innanlandsflug því það er aðeins í boði fyrir farþega á leið í eða úr millilandaflugi. Farþegar geta þess vegna ekki farið út úr Leifsstöð við komuna þangað frá Akureyri heldur verða þeir að halda ferðinni áfram út í heim. Innanlandsflug er hins vegar víðast hvar hluti af starfsemi alþjóðaflugvalla og það á til að mynda við á helstu flugvöllum Norðurlanda. Og tenging innanlands- og millilandaflugs skiptir miklu máli fyrir ferðaþjónustu þessara landa líkt og kom fram í viðtölum Túrista við forsvarsmenn ferðamálaráða Finnlands, Danmerkur og Svíþjóðar sl. haust.

Í upphaflegri útgáfu fréttarinnar stóð að farþegafjöldinn á Reykjavíkurflugvelli hafi staðið í stað. Það átti hins vegar við allan fyrsta ársfjórðung þessa árs. Á því tímabili fjölgaði hins vegar farþegum á Akureyri um 8,4%. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …