Samfélagsmiðlar

Segir tillögur ráðherra ferðamála vera plástralækningar

thordis helga

Framkvæmdastjóri Samtaka ferðaþjónustunnar er ekki til í að skipta á niðurfellingu gistináttaskatts og tvöföldun virðisaukaskatts. Framkvæmdastjóri Samtaka ferðaþjónustunnar er ekki til í að skipta á niðurfellingu gistináttaskatts og tvöföldun virðisaukaskatts.
Þórdís Kolbrún Reykfjörð Gylfadóttir, ráðherra ferðamála, hefur lýst því yfir að hún vilji sjá gistináttaskattinn, sem settur var á 2012, felldan niður eða fluttan til sveitarfélaga í tengslum við færslu ferðaþjónustunnar upp í efsta þrep virðisaukaskattskerfisins. Ráðherrann hefur rætt þessar tillögur við fjármálaráðherra sem mun hafa tekið jákvætt í þær líkt og Túristi greindi frá í morgun.
Aðspurð um þessar breytingar segist Helga Árnadóttir, framkvæmdastjóri Samtaka ferðaþjónustunnar, að sjálfsögðu vera fylgjandi afnámi gistináttaskats og tilbúin í samtal við ráðherra um það. Að hennar mati er hins vegar ekki hægt að tengja þessar tvær skattabreytingar saman. „Afnám gistináttaskatts kemur ekki í staðinn fyrir tvöföldun á virðisaukaskatti. Til þess eru áhrifin svo gríðarlega ólík. Ráðherra ferðamála getur ekki falið sig á bak við tillögur um svona plástralækningar þegar ríkisstjórnin er að undirbúa að höggva svöðusár í ferðaþjónustuna í landinu.“

Þrefalt gistináttagjald í lok sumars

Formleg vinna við útfærslu tillögu Þórdísar Kolbrúnar um breytingar á gistináttaskatti er ekki hafin að sögn aðstoðarmanns ráðherrans en skatturinn nemur í dag 100 krónum á hverja gistieiningu. Hann hækkar upp í 300 krónur í haust. Þann 1. júlí á næsta ári mun svo virðisaukaskattur á ferðaþjónustu, og þar með gististaði, fara úr 11% í 24%. Í árbyrjun 2019 fer hann svo niður í 22,5% en Danmörk er eina landið í Evrópu með hærri virðisaukaskatt á ferðaþjónustu eða 25%.
TENGDAR GREINAR: Ósammála um kosti „skúravæðingarinnar“ við Kerið

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …