Samfélagsmiðlar

WOW stefnir á margfalt hærri hlutdeild en Icelandair hefur

wow gma Friðrik Örn Hjaltested

Það er markmið forsvarsmanna WOW air að flytja sex milljónir farþega yfir Atlantshafið. Gangi það eftir verður félagið um fimmfalt umsvifameira á þessum markaði en Icelandair er í dag. Það er markmið forsvarsmanna WOW air að flytja sex milljónir farþega yfir Atlantshafið. Gangi það eftir verður félagið um fimmfalt umsvifameira á þessum markaði en Icelandair er í dag.
Árlega fljúga 60 milljónir farþega milli Evrópu og N-Ameríku og forsvarsmenn WOW air ætla sér tíu prósent hlutdeild á þessum markaði. Þetta kom fram í máli Daníels Snæbjörnssonar, forstöðumanns leiðakerfis WOW air, á Route Europe flugleiðaráðstefnunni sem nú fer fram í Belfast. Gangi þessar áætlanir WOW air eftir er ljóst félagið gæti orðið talsvert umsvifameira en Icelandair í flugi yfir hafið en þar var hlutdeild Icelandair um eitt prósent fyrir tveimur árum síðan en hefur að minnsta kosti tvöfaldast síðan þá. Í fyrra nam fjöldi skiptifarþega hjá Icelandair til að mynda nærri 2 milljónum. Samkvæmt frétt Routes Online sagði Daníel jafnframt að flugáætlun WOW air fyrir næsta vetur yrði 30 til 40 prósent umsvifameiri en á nýliðnum vetri.

Horft til 18 mánaða í einu

Bandaríski markaðurinn er sá mest aðlaðandi þessi misserin þegar kemur að flugi yfir hafið að mati Daníels en þar á eftir kemur sá kanadíski og svo Evrópa. Hins vegar telur hann að Bretar hafi gert sé óleik með því að kjósa með Brexit því sá markaður sé ekki eins „heitur“ og hann var. Hjá WOW air horfa menn þó ekki aðeins til flugs fyrir Atlantshafið því Daníel segir að innan fimm ára verði þotur WOW air farnar að fljúga til Asíu og annarra svæða. „Þá munum við hafa um 40 þotur i flugflota okkar. En það gæti verið of varlega áætlað“, sagði Daníel sem viðurkenndi að hjá WOW air væri þó fyrst og fremst horft til 18 mánaða í einu enda væri félagið ungt og í miklum vexti og því væri ekkert 10 ára plan til.

Bilið minnkar hratt

Fyrstu þrjá mánuðina í fyrra flugu nærri þrefalt fleiri farþegar með Icelandair en WOW air. Staðan hefur hins vegar breyst verulega því á fyrsta ársfjórðungi þessa árs er bilið á milli félaganna aðeins 22 prósent eins og sjá má á súluritinu hér fyrir neðan.
Bæði félög fjölga áfangastöðum sínum í Bandaríkjunum um tvo í ár. WOW air hóf flug til Miami í fyrr í þessum mánuði og fer svo jómfrúarferð sína til Pittsburgh í byrjun sumars. Á sama tíma fer Icelandair sína fyrstu ferð til Philadelphia og í haust bætir félagið svo Tampa í Flórída við áætlun sína.

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …