Samfélagsmiðlar

Um 1,3 milljónir farþega milli Íslands og Bretlands

London Piccadilly Julian LoveLondon and Partners

Flugsamgöngurnar milli Íslands og Bretlands hafa aukist hratt síðustu ár og í fyrra fjölgaði farþegunum um þriðjung. Flugsamgöngurnar milli Íslands og Bretlands hafa aukist hratt síðustu ár og í fyrra fjölgaði farþegunum um þriðjung.
London er sú borg sem langoftast er flogið til frá Keflavíkurflugvelli og stendur umferðin þangað undir um fimmtungi af öllum áætlunarferðum frá Íslandi. Einnig er flogið héðan reglulega til sjö annarra breskra borga og oftar en ekki ríkir samkeppni á þessum flugleiðum.
Þannig bjóða 5 flugfélög upp á áætlunarferðir til London og farþegar á leið til Edinborgar, Manchester, Bristol og Belfast geta valið úr ferðum tveggja flugfélaga. Icelandair er hins vegar eitt um flugið til Glasgow og Aberdeen.

Gatwick aðal samgönguæðin

Til allra þessara staða er flogið allt árið um kring og í fyrra flugu nærri 1,3 milljónir farþega á milli Íslands og Bretlands samkvæmt tölum frá breskum flugmálayfirvöldum. Það er aukning um 318 þúsund farþega frá því í hittifyrra og nemur viðbótin um þriðjungi. Langflestir farþeganna fara um Gatwick flugvöll eða um 405 þúsund en hundrað þúsund færri nýta sér flugið frá Heathrow eins og sjá má á töflunni hér fyrir neðan. Til samanburðar fóru hins vegar 534 þúsund farþegar milli Keflavíkurflugvallar og Kaupmannahafnar í fyrra en í dönsku höfuðborginni fer öll umferðin um einn flugvöll en ekki nokkra líkt og í London.
Hafa ber í huga að hver farþegi er talinn við komuna til Bretlands og líka á leiðinni frá landinu.

Fleiri ferðir í ár

Það sem af er þessu ári hefur flugfarþegum milli landanna tveggja haldið áfram að fjölga í takt við að tíðni brottfara eykst. Og í pípunum eru ennþá fleiri ferðir, þannig hefja systurfélögin Icelandair og Flugfélag Íslands flug til George Best flugvallar í Belfast í byrjun júní og líkt og Túristi greindi frá í gær þá ætla forsvarsmenn easyJet að bæta við ferðum hingað frá London næsta vetur. Þar með verður Icelandair ekki lengur það félag sem býður upp á flestar ferðir milli Íslands og höfuðborgar Bretlands. Stór hluti þeirra farþega sem Icelandair og WOW flytja milli landanna tveggja eru hins vegar skiptifarþegar á leið milli N-Ameríku og Evrópu. Og vegna þess hve ferðirnar eru tíðar hingað frá Bretlandi þá er flugið vel nýtt af ferðamönnum frá fleiri löndum en Bretlandi. Stór hluti farþeganna í Íslandsflugi British Airways kemur til að mynda frá Kína líkt og kom fram hér á síðunni nýverið.
Opinberar tölur um fjölda þeirra Íslendinga sem nýta sér áætlunarflugið til Bretlands liggja ekki fyrir og sömu sögu er að segja um upplýsingar um gistinætur íslenskra túrista á breskri grundu. 
 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …