Samfélagsmiðlar

easyJet verður umsvifamest í flugi héðan til London

easyjet 2017

Þrátt styrkingu krónu og veikingu punds er eftirspurn eftir Íslandsferðum frá Bretlandi það mikil að forsvarsmenn stærstu flugfélags landsins ætla að fjölga ferðunum hingað í vetur. Þrátt styrkingu krónu og veikingu punds er eftirspurn eftir Íslandsferðum frá Bretlandi það mikil að forsvarsmenn stærstu flugfélags landsins ætla að fjölga ferðunum hingað í vetur. 
Flugsamgöngur milli Íslands og Bretlands ná hámarki yfir vetrarmánuðina og sérstaklega í febrúar þegar gefin eru vikufrí í breskum skólum. Umferðin dregst smávægilega saman yfir sumarmánuðina enda koma Bretar hingað í mun meira mæli utan háannatíma. Í febrúar í fyrra flugu til að mynda um 43 þúsund Bretar frá Keflavíkurflugvelli en þeir voru samtals 51 þúsund í júní, júlí og ágúst. Í nýliðnum febrúar fjölgaði breskum ferðamönnum um tíu prósent en þá voru farnar 427 áætlunarferðir héðan til breskra flugvalla og þar af voru brottfarirnar til Lundúna 268 talsins samkvæmt talningum Túrista. Að jafnaði var því því flogið um 15 sinnum á dag frá Keflavíkurflugvelli til Bretlands og þar af voru ferðirnar tíu til höfuðborgarinnar. En London er sú borg sem langoftast er flogið til frá Keflavíkurflugvelli.

Áframhaldandi mikil eftirspurn eftir Íslandi

Hingað til hefur Icelandair staðið fyrir flestum ferðum milli Íslands og bresku höfuðborgarinnar og fóru þotur félagsins til að mynda 23 ferðir í viku hverri til Heathrow og Gatwick þegar mest lét í vetur. Og samkvæmt flugáætlun félagsins er gert ráð fyrir jafn mörgum ferðum yfir háannatímann næsta vetur og það sama á við hjá WOW, Norwegian og British Airways sem einnig bjóða upp á áætlunarflug héðan til London. Forsvarsmenn breska lággjaldaflugfélagsins easyJet ætla hins vegar að bæta í Íslandsflugið frá London og bjóða upp á 26 ferðir í viku en þær hafa verið 20 undanfarna mánuði. Gloria Maydew, talsmaður easyJet, segir í svari til Túrista að ástæðan fyrir þessari aukningu sé áframhaldandi mikil eftirspurn eftir flugi til Íslands frá Bretlandi en félagið flýgur hingað frá sjö breskum flughöfnum, þar af þremur í nágrenni við London. Það eru því ekki útlit fyrir að áhugi Breta á Íslandsferðum hafi dalað þrátt fyrir að að breska pundið hafi veikst um 23% gagnvart íslensku krónunni síðastliðið ár.

Með þessum viðbótarferðum easyJet í vetur þá verður að jafnaði flogið 73 sinnum í viku hverri frá Keflavíkurflugvelli til London en til samanburðar voru ferðirnar 19 í febrúar 2012 þegar Icelandair og Iceland Express voru ein um flugleiðina. Og ferðafjöldinn hefur tvöfaldast frá árinu 2014 eins og sjá má á grafinu hér fyrir neðan.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …