Samfélagsmiðlar

Miklu ódýrari farmiðar til Ítalíu

trieste castello Miramare photo marco milani

Í lok maí hefst áætlunarflug milli Íslands og Trieste og í dag kostar ódýrasta farið, báðar leiðir, 23 þúsund krónum minna en þegar sala hófst á fluginu fyrir nærri einu ári síðan. Í lok maí hefst áætlunarflug milli Íslands og Trieste og í dag kostar ódýrasta farið, báðar leiðir, 23 þúsund krónum minna en þegar sala hófst á fluginu fyrir nærri einu ári síðan.
Flugsamgöngur milli Íslands og Ítalíu hafa lengi verið af skornum skammti og til að mynda verður Rómarflug WOW air og Vueling ekki á boðstólum í sumar. Áfram fljúga þó Icelandair og WOW air til Mílanó og í ár bryddar Primera Air upp á þeirri nýbreytni að fljúga héðan vikulega til Trieste á norðausturhluta Ítalíuskagans, rétt við landamærin að Slóveníu.
Sala á farmiðunum þangað hófst í júlí í fyrra og á þeim tíma kostaði ódýrasta farið, báðar leiðir, um 53 þúsund krónur líkt og Túristi greindi frá. Þá var ennþá tæpt ár í jómfrúarferðina til Trieste en núna, þegar sumarvertíðin er að hefjast, kosta ódýrustu sætin 14.999 kr. í nær allar brottfarir Primera air til Ítalíu í sumar. Heimferðirnar eru á sama verði og farmiði báðar leiðir er því á rétt um 30 þúsund krónur. Lægstu fargjöldin hafa því lækkað um 43 prósent frá því áætlunarflugið til Trieste fór í sölu. 
Hafa ber í huga að borga þarf aukalega 4.900 kr. fyrir innritaðar töskur hjá Primera Air.

Vel staðsett fyrir flakk

Sem fyrr segir er framboð á flugið héðan til Ítalíu lítið og aðeins stök leiguflug í boði til Slóveníu en frá miðborg Trieste eru aðeins 10 kílómetrar að landamærum landanna tveggja. Feneyjar eru svo einn og hálfan tíma frá flugvelli borgarinnar og staðsetning hennar býður upp á mörg tækifæri fyrir þá sem vilja keyra um þennan hluta Evrópu.
Og samkvæmt athugun Túrista þá eru kjörin á bílaleigunu við flugvöllinn í Trieste aðeins hagstæðari en í Mílanó. Leiga á bíl seinni partinn í júní kostar að lágmarki 20 þúsund en er tvöfalt dýrari fyrir þá sem verða á ferðinni seinni hlutann í júlí. Þeir sem vilja búa í sveitagistingu á Ítalíu hafa svo úr töluverðu að moða á vef Agriturismo.

 
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …