Samfélagsmiðlar

Metár í komum skemmiferðaskipa

faxafloahafnir Filippus Johannsson Rotterdam

155 farþegaskip hafa boðað komu sína til höfuðborgarinnar í sumar og hafa þau aldrei verið fleiri. 155 farþegaskip hafa boðað komu sína til höfuðborgarinnar í sumar og hafa þau aldrei verið fleiri.
Þann fjórtánda þessa mánaðar leggst skemmtiferðaskipið Celebrity Eclipse að bryggju í Sundahöfn með hátt í þrjú þúsund farþega og þar með hefst fimm mánaða sumarvertíð skemmtiferðaskipa hjá Faxaflóahöfnum. Von er á 155 skipakomum á tímabilinu sem er töluverð viðbót frá metárinu í fyrra þegar komurnar voru 113 talsins. Þá komu 99 þúsund farþegar með skipunum en í ár er búist við 129 þúsund farþegum. Til samanburðar geri áætlun Isavia ráð fyrir að hingað komi rúmlega 2,2 milljónir ferðamanna í flugi í ár. 

Hámarkið 5 til 6 þúsund farþegar á dag

Erna Kristjánsdóttir, markaðsstjóri hjá Faxaflóahöfnum, segir að ekki sé von á að listinn yfir skipakomur lengist úr þessu. „Yfirleitt bóka skipin sig með eins til þriggja ára fyrirvara, þannig að það eru mjög litlar líkur á að það bætist við. Frekar að einhver detti út, það fer allt eftir því hvernig sjófærð er.“ Að sögn Ernu hefur hingað til ekki komið til þess að vísa hafi þurft skipum frá vegna plássleysis en ætíð sé miðað við að á hverjum degi komi ekki fleiri en 5 til 6 þúsund farþegar svo að innviðir ráði við fjöldann.
Flest verða skipin þann 31. ágúst þegar von er á fimm fleyjum en alla jafna stoppa þau stutt, koma að morgni en halda úr höfn um kvöld. Í ár munu tvö skemmtiferðaskip halda til Akraness og er það í fyrsta skipti sem bærinn tekur á móti þess háttar skipum.

Flestir koma frá Þýskalandi

Í hópi ferðamanna hér á landi eru Bandaríkjamenn langfjölmennastir en Þjóðverjar hafa hins vegar verið stærsti hópurinn sem kemur sjóleiðina til höfuðborgarinnar samkvæmt talningum Faxaflóahafna. Í fyrra var tæpur þriðjungur allra farþeganna frá Þýskalandi en um fimmtungur frá Bandaríkjunum eins og sjá má á töflunni hér fyrir neðan. 

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …