Samfélagsmiðlar

Mögulega fartölvubann í Evrópuflugi fyrir mánaðarmót

flugvel john cobb

Evrópusambandið hefur farið fram á tafarlausar viðræður við bandarísk stjórnvöld vegna áforma um að fartölvubannið muni innan skamms ná til evrópskra flugvalla einnig. Evrópusambandið hefur farið fram á tafarlausar viðræður við bandarísk stjórnvöld vegna áforma þeirra um að setja fartölvubann á flug frá Evrópu til Bandaríkjanna.
Fartölvur og stærri raftæki voru bönnuð í flugi til Bandaríkjanna frá tíu flugvöllum í Miðausturlöndum og Afríku í mars síðastliðnum. Þess háttar bann gæti brátt einnig náð til evrópskra flughafna og munu forsvarsmenn stærstu flugfélaga Bandaríkjanna hafa fundað með fulltrúum heimavarnarráðuneytisins í Washington í gær vegna málsins. Í frétt bresku ferðasíðunnar Travelmole segir að Evrópusambandið hafi farið fram á viðræður við bandarísk stjórnvöld vegna málsins þegar í stað. Nafnlausar heimildir síðunnar herma að hugsanlega verði bannið sett á í Evrópu innan hálfs mánaðar og undirbúningur að því hefjist jafnvel strax í næstu viku. Í frétt Reuters segir að forsvarsmenn stærstu flugfélaga Evrópu hafi um skeið  búið sig undir breyttar reglur hvað varðar raftæki í farþegarýmum. 
Ótti við að hægt sé að koma fyrir sprengjubúnaði í stærri raftækjum er ástæða þess að fartölvubannið var sett á í mars og í kjölfarið settu bresk flugmálayfirvöld sambærilegar reglur hvað varðar flug til landsins frá Tyrklandi, Miðausturlöndum og N-Afríku. 

Mun valda ringulreið á flugvöllum

Sem fyrr segir nær núverandi raftækjabann aðeins til flugferða frá 10 flugvöllum í Miðausturlöndum og Afríku til Bandaríkjanna og því möguleiki að útvíkkun bannsins til Evrópu þýði að það nái til nokkurra flughafna í álfunni en ekki allra. Í frétt Independent um málið segir að ljóst sé að ef af verður þá mun álag á öryggisstarfsfólk á flugvöllum aukast verulega því það þurfi að aðgreina handfarangur farþega á leið til Bandaríkjanna frá farangri annara til að ganga úr skugga um að engar fartölvur eða stærri raftæki séu með í för.
Um fimmta hver farþegaþota sem flýgur frá Keflavíkurflugvelli tekur stefnuna á Bandaríkin samkvæmt talningum Túrista en Bandaríkjamenn eru langfjölmennastir í hópi ferðamanna hér á landi eða 23 prósent.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …