Samfélagsmiðlar

Færri hótelgistingar útlendinga í höfuðborginni, á Vesturlandi og Vestfjörðum

Þó gistinóttum erlendra ferðamanna hafi fjölgað á landsvísu þá eru breytingarnar ólíkar milli landshluta.

reykjavik Tim Wright

Þó gistinóttum erlendra ferðamanna hafi fjölgað á landsvísu þá eru breytingarnar ólíkar milli landshluta. Í maí fjölgaði gistinóttum útlendinga á íslenskum hótelum um sex prósent en aukningin í maí í fyrra og hittifyrra nam um 31 prósenti. Viðbótin núna er því töluvert minni og á tveimur svæðum fækkaði gistinóttunum því á Vesturlandi og Vestfjörðum keyptu útlendingar um þúsund færri hótelnætur í maí í samanburði við sama tíma í fyrra. Í höfuðborginni fækkaði gistinóttum útlendinga um 2.329. Hlutfallslega nemur minnkunin á vestanverðu landinu um 9 prósentum en 1,4% í Reykjavík og nágrenni.
Erlendum hótelgestum á Suðurnesum og á Norðurlandi umtalsvert eins og sjá má á töflunni hér fyrir neðan sem byggir á tölum Hagstofunnar.

Í maí voru erlendir ferðamenn hér á landi nærri fimmtungi fleiri en á sama tíma í fyrra samkvæmt talningu Ferðamálastofu á Keflavíkurflugvelli. Gistinóttum útlendinga á hótelum hér á landi fjölgaði hins vegar mun minna eða um 6 prósent líkt og fyrr segir. Í maí í fyrra og hittifyrra voru hlutfallslegar breytingar á þessum tveimur lykilstærðum í ferðaþjónustu mjög sambærilegar því þá fjölgaði erlendum ferðamönnum um rúm 36 prósent, bæði árin, og vöxturinn á íslenskum hótelum var sambærilegur. Það er hins vegar ekki raunin í maí í ár eins og súluritið hér fyrir neðan sýnir. Aukin ásókn í aðra gistikosti en hótel gæti verið skýringin en tölur Hagstofunnar byggja aðeins á upplýsingum frá hótelum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …