Samfélagsmiðlar

Mismunandi viðbrögð við miklum samdrætti í komum breskra ferðamanna

Talsmaður easyJet segist ekki finna fyrir minna áhuga á Íslandsflugi félagsins en reyndur breskur ferðafrömuður segir 28 prósent fækkun breskra ferðamanna hafa legið í loftinu.

Island seljalandsfoss taylor leopold

Talsmaður easyJet segist ekki finna fyrir minna áhuga á Íslandsflugi félagsins en reyndur breskur ferðafrömuður segir 28 prósent fækkun breskra ferðamanna hafa legið í loftinu. Spár um að draga myndi úr ferðagleði Breta vegna veikingar pundsins í kjölfar Brexit gengu ekki eftir í vetur. Þá fjölgaði Bretunum nefnilega töluvert þó vöxturinn hafi verið minni en árin á undan. Í síðasta mánuði komu hins vegar 4.437 færri breskir ferðamenn til Íslands miðað við maí í fyrra og nam samdrátturinn 28 prósentum. Þess háttar dýfu í komum Breta höfum við ekki séð síðan í maí árið 2010 þegar Eyjafjallajökull gaus en þá fækkaði Bretunum hér á landi um 27 prósent. Allar götur síðan hefur leiðin legið upp á við og Bretar hafa reglulega verið fjölmennastir í hópi ferðamanna á Íslandi, sérstaklega yfir vetrarmánuðina þegar allt að fjórir af hverjum tíu túristum hér á landi hafa verið breskir.

Eftirspurn eftir flugi ekki dregist saman

Breska lággjaldaflugfélagið easyJet hóf Íslandsflug í mars árið 2012 en hefur stóraukið umsvif sín hér á landi og flýgur hingað í dag frá sjö breskum flugvöllum. Næsta vetur verður félagið til að mynda umsvifamest í flugi milli Íslands og Lundúna, í flugferðum talið. Aðspurður segir Andy Cockburn, talsmaður easyJet, að fréttir af 28 prósent samdrætti í komum Breta til Íslands komi sér á óvart enda finni félagið ekki fyrir minni eftirspurn eftir ferðum til landsins. Máli sínu til stuðnings bendir Cockburn á að easyJet hafi fjölgað ferðum sínum um 19 prósent í ár.
Íslensku flugfélögin tvö eru einnig stórtæki í Bretlandsflugi en hjá báðum er fókusinn ekki aðeins á ferðir Breta til Íslands heldur flug milli N-Ameríku og Bretlandseyja með millilendingu á Íslandi. Meginþorri farþega easyJet eru aftur á móti breskir ferðamenn á leið til Íslands.

Kallar eftir skynsemi í verðlagningu

Það er annað hljóð í skrokknum hjá Clive Stacey, framkvæmdastjóra Discover the World, sem hefur áratuga reynslu af skipulagninu Íslandsferða. Hann segir að hrun í maíferðum Breta til Íslands komi ekki á óvart. „Með styrkingu krónunnar, veikingu pundsins, hækkandi verðskrám og fréttum af of mörgum ferðamönnum á Íslandi þá hlaut að koma að því að breski markaðurinn myndi sýna viðbrögð. Það eru líka vísbendingar um að þetta muni halda áfram í sumar og jafnvel lengur. Mér skilst líka að Ísland sé að verða of dýrt fyrir aðra markaði, t.d. Þjóðverja.“ Stacey er líka sem fyrr harðorður í garð stjórnvalda sem hann sakar um aðgerðaleysi. „Við eins og aðrir þeir sem hafa skipulagt Íslandsferðir í áratugi horfum nú hjálparlaus upp á landið verða undir vegna óskipulags ferðamannastraums sem stjórnvöld og lykilfólk í ferðaþjónustunni hefur lítið sem ekkert reynt að hafa áhrif á.“ Stacey segir að hjá Discover the World sé unnið að því, í samstarfi við íslenskt samstarfsfólk, að leita leiða til að laða til landsins ferðafólk sem kunni að meta Ísland sem einstakan áfangastað en ekki bara land sem það vill hafa heimsótt einu sinni á ævinni. „Við teljum að íslensk ferðaþjónusta verði að fókusa á gæði frekar en magn svo að ferðafólk njóti landsins. Heilbrigð skynsemi í verðlagningu er hins vegar forsenda fyrir því að ferðaþjónustan þroskist og verði sjálfbær,“ segir Clive og bendir á að í dag geti hann selt hálfsmánaðar ferðalag um Nýju-Sjáland fyrir minna en vikuferð til Íslands. „Sá munur boðar ekki gott.“

Ráðherrar vinna að sama atriðinu en í sitthvoru lagi

Það eru hins vegar aðgerðir í gangi á vegum stjórnvalda og í síðustu viku fékk ferðamálaráð umsvifamikið sumarverkefni frá ráðherra ferðamála. Þar er óskað eftir tillögum um aðgerðir til að koma í veg fyrir svarta atvinnustarfsemi í gistiþjónustu og stuðla að því að ferðamenn heimsæki landsbyggðina í auknum mæli þrátt fyrir styrkingu krónunnar. Einnig bað ráðherra ferðamálaráð að finni leiðir til að tryggja betur að erlendir ferðaþjónustuaðilar á Íslandi fullnægi öllum kröfum sem þeim ber, meðal annars varðandi vinnurétt, gjöld, skráningu o.þ.h. Aðeins þremur dögum áður hafði fjármálaráðherra sett á stofn eigin starfshóp til að skoða þetta síðarnefnda atriði líka. Von er á tillögum frá fagfólkinu í sumar.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …