Óvenju ódýrir flugmiðar til Alicante í júní

Þrátt fyrir að stutt sé í brottför þá er töluvert úrval af ódýrum farmiðum til Costa Blanca í júní. Þrátt fyrir að stutt sé í brottför þá er töluvert úrval af ódýrum farmiðum til Costa Blanca í júní.
Í sumar bjóða þrjú flugfélög upp á reglulegt áætlunarflug til Alicante og hefur samkeppnin á þessari flugleið ekki áður verið eins mikil. Og það er ekki annað að sjá en að þetta aukna framboð á flugi héðan til spænsku borgarinnar hafi verulega áhrif á farmiðaverðið, alla vega núna í júní. Í dag má til dæmis finna flug, báðar leiðir, með öllum þremur félögum á undir 30 þúsund krónur. Hjá Norwegian kostar flugmiðar 19.-26.júní og 23.-30. júní tæpar 28 þúsund krónur og dagana 17.-25.júní og 24.júní-2.júlí rukkar WOW 29 þúsund krónur fyrir ódýrustu sætin. Með Primera Air er hægt að finna farmiða á 30 þúsund í lok mánaðar, t.d. 20.-28.júní. Í öllum tilvikum þarf hins vegar að borga aukalega fyrir innritaðan farangur. En með því að nota leitarvél Momondo má á einfaldan hátt bera saman kjörin hjá flugfélögunum þremur og sjá hvað kostar að fljúga með einu félagi út en öðru heim.
Þeir sem ætla að vera á ferðinni í júlí eða ágúst þurfa hins vegar að borga töluvert meira fyrir flugmiðana en verðið fellur svo á ný í september og október þegar skólarnir eru byrjaðir.

Vikuleiga á bíl á innan við 3 þúsund

Stór hluti þeirra sem ferðast á eigin vegum til Alicante kýs að hafa bíl til umráða í fríinu og þeir sem láta sér nægja bíl af minnstu gerð þurfa ekki að borga meira en um 3 þúsund krónur fyrir vikuleigu. Verðið er þó mismunandi á milli tímabila eins og sjá má þegar bókunarvél Rentalcars.com er notuð til að finna bílaleigubíla í Alicante. Hinir áhættufælnu sem vilja borga sig frá sjálfsábyrgð borga hins vegar töluvert aukalega fyrir fulla tryggingu.

Alls konar tilboð á gistingu og pakkaferðum

Það eru þó ekki aðeins flugfélögin sem bjóða upp á ferðir héðan til Alicante og nágrennis því það gera líka ferðaskrifstofurnar, bæði staka flugmiða en líka pakkaferðir, eins og hér má sjá. Þeir sem vilja heldur ferðast á eigin vegum hafa úr mörgum ólíkum áfangastöðum að velja í nálægð við flugvöllinn í Alicante og á vef Hotels.com er að finna tilboð á gistingu á nokkrum strandstöðum við Costa Blanca og einnig hjá Booking.com. Spænska hótelkeðjan H10 er líka með sérkjör á nokkrum gististöðum. Samansafn á vefsíðum sem miðla orlofshúsum má svo finna hér.

Hætta við flug til Akureyrar og Egilsstaða

Þýska flugfélagið Condor hefur tilkynnt að hætt hafi verið við áætlunarflug til Akureyrar og Egilsstaða frá Frankfurt sem hefjast átti um miðjan maí og standa fram í október. Sala á þessum ferðum hófst í júlí í fyrra og þá fagnaði forsvarsfólk ferðaþjónustunnar fyrir norðan og austan eins og Túristi greindi frá. Fyrirvarinn að fluginu hefði hins vegar þurft … Lesa meira

Matvörukeðjur bregðast við gagnrýni fjármálaráðherra og lækka verð

Fjármálaráðherra Svía, Elisabeth Svantesson, boðaði stjórnendur þriggja stærstu matvörukeðja landsins á sinn fund í byrjun síðustu viku til að ræða ört hækkandi matvælaverð í Svíþjóð. Í febrúar hækkaði verðlag á mat og drykkjarvörum meira en dæmi eru um síðan opinbert verðlagseftirlit hófst árið 2015 eða um 3,4 prósent. Til samanburðar hefur vísitala neysluverðs á mat … Lesa meira

„Við samþykkjum þetta ekki“

„Starfsfólk á flugvöllum, á ferjunum og í lestarsamgöngukerfinu halda landinu gangandi en eru á svo lágum launum að ekki tekst að manna öll störf. Fólk er ekki aðeins á lágum launum heldur þarf að þola mikið álag," segir formaður samtakanna sem lama nánast samgöngur í Þýskalandi í dag með verkföllum.

Herbergið verður ekki þrifið í dag

Það verður sífellt algengara vestanhafs að hótelherbergi séu ekki þrifin daglega nema að gesturinn óskir þess og sé tilbúinn að greiða aukalega fyrir það. Margir gestir óska þess að fá að vera í friði með sitt dót og telja sig vera að leggja umhverfinu lið með því að hafna þrifum. Hótelin spara tilkostnað en verkalýðsfélög mótmæla.

Fleiri bílaleigubílar en fyrir heimsfaraldur

Skortur á bílaleigubílum og hótelbergjum hafði neikvæð áhrif á afkomu Play síðastliðið sumar þar sem félagið fór á mis við tekjur af sölu flugmiða til þeirra sem ætluðu til Íslands með stuttum fyrirvara. Þetta kom fram í máli forstjóra Play sl. haust þegar sumarvertíðin var gerð upp. Forsvarsmenn bílaleiganna tóku hins vegar ekki undir þetta … Lesa meira

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira