Samfélagsmiðlar

Skráning á heimagistingu verður einfaldari og ódýrari

reykjavik Tim Wright

Krafa um heilbrigðisvottorð verður ekki lengur skilyrði fyrir því að fá leyfi fyrir skammtímaleigu á íbúðarhúsnæði. Krafa um heilbrigðisvottorð verður ekki lengur skilyrði fyrir því að fá leyfi fyrir skammtímaleigu á íbúðarhúsnæði. 
Um áramót gengu í gildi nýjar reglur um heimagistingu og samkvæmt þeim verða leigusalar að skrá fasteignir sínar hjá sýslumanni. Rekstrarleyfi frá heilbrigðisnefnd er forsenda fyrir skráningunni og hefur sú krafa verið umdeild. Í frétt RÚV frá því í janúar var til að mynda haft eftir Árnýju Sigurðardóttur, framkvæmdastjóra heilbrigðiseftirlits Reykjavíkur, að nýja fyrirkomulagið væri ekki einfaldara en það gamla. Dagur B. Eggertsson, borgarstjóri, sagði að innleiðing nýju reglnanna hefði valdið vonbrigðum í svari til Túrista.
Í vikunni voru hins vegar samþykktar breytingar á lögunum og frá og með 1. júlí nk. verður heimagisting ekki lengur starfsleyfisskyld samkvæmt upplýsingum frá umhverfisráðuneytinu. Þar með fellur krafa um vottorð frá heilbrigðisnefnd niður en þess háttar kostar í dag hátt í 50 þúsund krónur. Árlegt skráningargjald til Sýslumannsins á höfuðborgarsvæðinu, sem sér um eftlitlit með heimagistingu, er hins vegar 8 þúsund kr.

Hátt hlutfall óskráðra eigna

Í dag hafa verið gefin út 429 leyfi fyrir heimagistingu en síðast þegar bandaríska gistimiðlunin Airbnb gaf upplýsingar um umsvif sín á Íslandi kom fram að fyrirtækið hefði um 4 þúsund íslenska gistikosti á skrá. Það er vísbending um að mikill meirihluti þeirrar gistingar sem í boði er á vef Airbnb er óskráður. Leyfisnúmer frá Sýslumanni eru líka vandfundin í lýsingum á íslenskum fasteignum hjá Airbnb en samkvæmt lögunum er leigusölum skylt að láta þessi númer koma fram í öllu markaðsefni. Brot á því getur valdið stjórnvaldssekt sem getur numið allt að einni milljón króna. Samkvæmt svari talsmanns fyrirtækisins, við fyrirspurn Túrista, á það að vera einfalt fyrir leigusala að setja númerin inn í leiguauglýsingar á vefsíðunni.
Það er í verkahring Sýslumannsins á höfuðborgarsvæðinu að hafa eftirlit með því að nýju reglunum sem framfylgt og nýlega var ráðinn einn starfsmaður í það verk.

Skýr merki um atvinnustarfssemi

Í lögunum er heimagisting skilgreind sem gisting á lögheimili einstaklings eða einni annarri fasteign í hans eigu sem hann hefur persónuleg not af. Ekki má leigja út í meira en 90 daga á ári og tekjurnar af þessu mega ekki fara yfir 2 milljónir kr. Greining hollensk sérfræðings, sem unnin var fyrir Samtök ferðaþjónustunnar, leiðir hins vegar í ljós að meirihluti íbúða sem er í leigu á vef Airbnb í Reykjavík eru á vegum aðila sem eru með fleiri en eina íbúð. Það feli í sér að útleiga á Airbnb gistirýmum í Reykjavík sé í meira mæli atvinnustarfsemi hér á landi en þekkist í öðrum evrópskum borgum samkvæmt því sem segir í fréttatilkynning frá SAF. Þar kemur einnig fram að áætlaðar tekjur af Airbnb gistingu hafi numið um 5,7 milljörðum kr. í fyrra.

Nýtt efni

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …

Það seldust 183 þúsund Volvo bílar á fyrsta fjórðungi ársins sem var aukning um 12 prósent frá sama tíma í fyrra. Engu að síður dróst veltan saman um 2 prósent og rekstrarafkoman (Ebit) nam 4,7 milljörðum sænskra króna eða 61 milljarði kr. Það er töluvert undir spá greinenda sem höfðu að jafnaði gert ráð rekstrarhagnaði …

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …