Samfélagsmiðlar

Töskurnar fylgja sjaldnast ódýrasta farmiðanum

16 af þeim 24 fljúgfélögum sem fljúga til og frá Keflavíkurflugvelli rukka aukalega fyrir innritaðan farangur. Nema farþeginn bóki dýrari miða.

kef taska 860

16 af þeim 24 fljúgfélögum sem fljúga til og frá Keflavíkurflugvelli rukka aukalega fyrir innritaðan farangur. Nema farþeginn bóki dýrari miða. Fargjöld til og frá landinu hafa verið óvenju lág undanfarið og samkvæmt athugun Túrista í byrjun mánaðar var hægt að fljúga til meira en 30 evrópskra borga fyrir innan við 15 þúsund krónur með stuttum fyrirvara. Þetta mikla framboð á ódýrum farmiðum um hásumar skrifast ekki aðeins á aukna samkeppni í fólksflutningum til og frá Íslandi. Sú staðreynd að bróðurpartur flugfélaganna rukkar farþegana aukalega fyrir innritaðan farangur, val á sætum og allar veitingar vegur líka þungt. Sérstaklega töskugjaldið sem getur verið allt að sex þúsund krónur í Evrópuflugi og það bara fyrir aðra leiðina. Mest borga farþegar Wizz Air en farangursgjald félagsins er ekki föst tala en er oftast í kringum 50 evrur (um 6 þúsund krónur) í flugi til og frá Íslandi. Það er meira en þrefalt meira en þeir sem fljúga héðan með Eurowings eða Iberia Express borga undir töskurnar eins og sjá má á töflunni hér fyrir neðan. Í flugi til Norður-Ameríku fylgir farangur hjá öllum flugfélögum nema WOW air og hæst er það 6.999 krónur þegar flogið er yfir á vesturströnd Bandaríkjanna.

Innifalinn farangur á undanhaldi

Það eru ekki aðeins farþegar lággjaldaflugfélaga sem borga aukalega fyrir allt annað en flugmiðann sjálfan þegar þeir bóka ódýrasta fargjaldið. Hefðbundin flugfélög eins og British Airways, Finnair, Lufthansa og SAS gera það einnig í Íslandsflugi sínu. Og forsvarsmenn Icelandair hafa boðað fargjöld án farangursheimildar síðar á þessu ári og fetar félagið þar með í spor samkeppnisaðilanna sem bjóða ódýrari flugmiða fyrir þá sem kjósa að ferðast aðeins með handfarangur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …