Samfélagsmiðlar

WOW líka komið til Brussel

brussel Marius Badstuber

Nú er WOW air byrjað að fljúga til höfuðborgar Belgíu og þar með fljúga bæði íslensku flugfélögin til borgarinnar allt árið um kring. Nú er WOW air byrjað að fljúga til höfuðborgar Belgíu og þar með fljúga bæði íslensku flugfélögin til borgarinnar allt árið um kring.
Ef þú ert á leið til Brussel á næstunni þá geturðu valið úr tveimur ferðum á dag til borgarinnar því í sumar fljúga þotur Icelandair og WOW air þangað daglega. Fyrrnefnda félagið hefur boðið upp á áætlunarflug til borgarinnar frá árinu 2010 en WOW air fór jómfrúarferð sína þangað fyrir helgi. Yfir vetrarmánuðina fækka bæði félög ferðunum niður í fjórar á viku en framboð á flugi milli Íslands og Belgíu hefur því tvöfaldast með tilkomu WOW.
Þetta er þó ekki í fyrsta skipti sem samkeppni er á þessari flugleið því sumrin 2013 og 2014 flaug hið belgíska Thomas Cook Airlines þessa leið en félagið er eitt sárafárra erlendra flugfélaga sem hafa hætt að fljúga til Íslands síðustu ár. Stærsta flugfélag Belga, Brussel Airlines, hefur hins vegar aldrei boðið upp á Íslandsflug, öfugt við önnur dótturfélög Lufthansa Group sem öll fljúga hingað til lands yfir sumarmánuðina. 

Ódýrari gisting um helgar

Brussel er stundum höfð fyrir rangri sök og sögð litlaus diplómataborg. Sú lýsing á kannski við á skýjuðum mánudagsmorgni í Evrópuhverfinu en annars býður þessi fallega heimsborg upp á nær stanslausa veislu eins og Soðþættir Brusselbúans Kristins eru gott dæmi um. Sá matgæðingur nýtur þess besta sem borgin hefur upp á bjóða og miðlar því á einstakan hátt til landa sinna í gegnum YouTube.
Tíðar flugsamgöngur til Brussel gefa þó ekki aðeins íslensktum túristum betri aðgang að belgískum kræsingum því staðsetning borgarinnar er líka góð fyrir þá sem ætla í ferðalag um vesturhluta Evrópu. Eins er auðveldlega hægt að fara í dagsferðir til Bruges og Antwerpen frá Brussel og brjóta þannig upp borgarferðina.
Frá Zaventem flugvelli er líka mikið framboð á flugi til Afríku fyrir þá sem eru á leiðinni þangað og auðvitað innan Evrópu enda eiga ófáir erindrekar, stjórnmálamenn og sérfræðingar á öllum sviðum erindi til borgarinnar alla daga. Nema kannski um helgar og þess vegna er hótelgistingin í Brussel oftar en ekki ódýrari um helgar en á virkum dögum.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …