Samfélagsmiðlar

Víst dró easyJet úr Íslandsflugi í maí

Það varð verulegur samdráttur í ferðum Breta til Íslands í maí og meginástæðan liggur nú fyrir.

easyjet gatwick

Það varð verulegur samdráttur í Íslandsferðum Breta í maí og meginástæðan liggur nú fyrir. Þau tíðindi áttu sér stað í maí sl. að breskum ferðamönnum hér á landi fækkaði um 28 prósent frá sama tíma í fyrra. En Bretar eru næstfjölmennsta þjóðin í hópi ferðamanna á Íslandi og svona mikil niðursveifla er því athugunarverð. Í frétt Túrista um þennan mikla samdrátt sagði Andy Cockburn, talsmaður easyJet, að þar á bæ yrðu menn ekki varir við minni áhuga á Íslandsferðum og benti á að félagið hefði aukið framboð á flugi til Íslands um nærri fimmtung á tímabilinu.
Það reyndist hins vegar ekki vera rétt því samkvæmt nýbirtum farþegatölum frá breskum flugmálayfirvöldum þá var ekkert flogið til Íslands í maí frá Bristol og Belfast. Og vegna færri ferða frá Standsted þá kom aðeins þriðjungur af þeim fjölda sem hafði lagt leið sína hingað frá þessum Lundúnarflugvelli á sama tíma í fyrra. Í heildina nam samdrátturinn frá þessum þremur flugvöllum um 3.300 farþegum og vafalítið var bróðurpartur þeirra Bretar á leið til Íslands í frí enda hafa forsvarsmenn easyJet áður sagt að vægi íslenskra farþega í vélum félagins, til og frá Keflavíkurflugvelli, sé lítið. Í heildina fækkaði breskum ferðamönnum hér á landi um 4.437 og megin skýringin liggur því í þessum samdrætti í Íslandsflugi easyJet í maí.

Minnkandi eftirspurn á þessum tíma árs

Þegar Túristi krafði Cockburn útskýringu á þessu ósamræmi viðurkenndi hann að upplýsingagjöfin hefði ekki verið nákvæm. Það hafi nefnilega verið samdráttur í ferðum easyJet til Íslands í maí vegna minnkandi eftirspurnar en hins vegar væri það rétt að á ársgrundvelli væri easyJet að auka Íslandsflugið um 19 prósent.
Undir venjulegum kringumstæðum hefði Túristi ekki þurft að reiða á upplýsingar um ferðafjölda frá easyJet því síðustu 6 ár hefur Túristi fært daglegt bókhald yfir alla flugumferð til og frá Keflavíkurflugvelli. Í fyrsta sinn í maí sl. kom hins vegar upp villa í skjalinu sem hélt utan um flugið fyrir mánuðinn og því var ekki unnt að birta samantekt eins og þá sem Túristi birti í gær um flugumferðina í júní. Þar kom einmitt fram að ferðum easyJet fækkaði þá á ný en þó ekki eins mikið og í maí. Hvort það hefur haft verulega áhrif á ferðamannastrauminn hingað frá Bretlandi júní kemur í ljós þegar Ferðamálastofa birtir niðurstöður talningar sinnar á Keflavíkurflugvelli í síðasta mánuði.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …