Samfélagsmiðlar

Hefja Íslandsflug úr miðborg Lundúna

British Airways hefur nýverið tvöfaldað flug sitt hingað til lands frá Heathrow og nú bætir félagið við áætlunarferðum frá London City flugvelli.

BritishAirways embraer Nick MorrishBritish Airways

Fyrir tæpum tveimur árum síðan hóf British Airways Íslandsflug á ný og bauð þá upp á þrjár ferðir í viku hingað frá Heathrow flugvelli við Lundúnir. Félagið flaug svo hingað allt að daglega síðasta vetur og nýverið var tilkynnt að næstkomandi vetur myndu þotur British Airways fljúga tvisvar á dag til Keflavíkurflugvallar frá Heathrow. Forsvarsmenn breska flugfélagsins sjá samt tækifæri í ennþá meira Íslandsflugi og hafa ákveðið að bjóða upp á tvær ferðir í viku frá London City flugvelli til Íslands.
Sá flugvöllur er við bakka Thames ár í austurhluta Lundúna en þar má aðeins notast við minni gerðir af farþegaflugvélum. Mun British Airways því notast við Embraer E190SR flugvélar í fluginu hingað en í þeim eru sæti fyrir 98 farþega. Flogið verður á fimmtudögum og sunnudögum frá lokum október og fram í enda marsmánaðar og kosta ódýrustu farmiðarnir um 8 þúsund krónur. Það er nokkru meira en lægstu fargjöld British Airways til Íslands frá Heathrow kosta því samkvæmt athugun Túrista er töluvert úrval af flugmiðum í boði á þeirri flugleið á 4.420 krónur. Borga þarf aukalega fyrir innritaðan farangur hjá breska flugfélaginu. Líkt og hjá flestum öðrum flugfélögum á Keflavíkurflugvelli líkt og kom fram í nýlegum samanburði Túrista.
Með þessari viðbót þá verður flogið 81 sinni í viku hverri frá Keflavíkurflugvelli til höfuðborgar Bretlands í fyrra. Ferðirnar skiptast á milli 5 flugfélaga eins og sjá má á töflunni hér fyrir neðan.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …