Það er löng hefð fyrir vetrarferðum Íslendinga til Flórída en lengi vel hefur aðeins verið flogið héðan til Orlando. Í vor hóf WOW air svo flug til Miami og í byrjun september fer Icelandair í jómfrúarferð sína til Tampa. Þar með stóreykst framboð á flugi héðan til sólarfylkisins en bílaleigubíll er nánast þarfaþing fyrir ferðamenn á þessum slóðum, alla vega þá sem ætlar sér ekki aðeins að dvelja í miðbæjum. Og það er ekki annað að sjá en að verðskrár bílaleiganna við flugvellina í þessum þremur borgum gangi í takt, alla vega samkvæmt endurteknum verðathugunum Túrista á bílaleiguverði á þessum slóðum. Verðið fyrir veturinn hefur verið stöðugt en gæti farið að flökta nú þegar nær líður en eins og sjá má á töflunum hér fyrir neðan þá er í dag aðeins ódýrara að ganga frá leigunni í janúar, bæði á millistórum bíl og sjö manna. Hins vegar hefur verðið í nóvember hækkað lítillega.
Kostur að geta afbókað
Í könnun Túrista var leitarvel Rentalcars notuð en með henni er hægt að bera saman kjör á þekktustu bílaleigunum á hverjum stað fyrir sig. Leitarvélin finnur líka oft mjög hagstæð kjör á bílaleigubílum samkvæmt athugunum Túrista síðustu ár. Og þeir sem panta í gegnum Rentalcars geta oft afbókað bílanna með stuttum fyrirvara sem getur verið kostur þegar verðið lækkar.
Rentalcars knýr einnig bílaleiguleitina hér á síðunni.
