Samfélagsmiðlar

Metfjölgun ferðamanna skilar sér ekki í rúturnar við Leifsstöð

Forsvarsmenn fyrirtækjanna sem bjóða upp á sætaferðir til og frá Keflavíkurflugvelli eru á sama máli um að hin mikla fjölgun ferðamanna í ár endurspeglist ekki í fjölda rútufarþega.

kef farthegar

Forsvarsmenn fyrirtækjanna sem bjóða upp á sætaferðir til og frá Keflavíkurflugvelli eru á sama máli um að hin mikla fjölgun ferðamanna í ár endurspeglist ekki í fjölda rútufarþega. Fyrstu fimm mánuði ársins fjölgaði ferðamönnum hér á landi um 46,5 prósent samkvæmt talningu Ferðamálastofu á Keflavíkurflugvelli. Þetta er mun meiri vöxtur en hefur verið á þessu tímabili síðustu ár en í Morgunblaðinu á fimmtudag var það haft eftir Kristjáni Daní­els­syni, fram­kvæmda­stjóra Kynn­is­ferða sem reka Flugrút­una, að hann ef­aðist um að taln­ing ferðamanna um Leifsstöð væri rétt. Ástæðan er sú að hinnu miklu fjölgunar ferðamanna í ár verður ekki vart í farþegatölum Flugrútunnar. „Und­ir venju­leg­um kring­um­stæðum ætti ávallt sam­bæri­legt hlut­fall ferðamanna að nýta Flugrút­una,“ sagði Kristján við Morgunblaðið. Benti hann jafnframt á að útlendingar sem búa hér á landi, til að mynda tímabundið vegna vinnu, eru taldir sem ferðamenn í hvert sinn sem þeir fljúga frá landinu og einnig þeir farþegar sem aðeins skipta um flugfélag á Keflavíkurflugvelli en gista ekki á landi. En líkt og Túristi vakti máls á í vor þá gæti fjöldi svokallaðra sjálftengifarþega, farþegar sem koma hingað með einu flugfélagi en fljúga samdægur burt með öðru, hafa aukist síðustu misseri og valdi nú meiri skekkju í ferðamannatalningum en áður.

Tölurnar haldast ekki lengur í hendur

Auk Flugrútunnar býður Airport Express upp á sætaferðir milli höfuðborgarinnar og Flugstöðvar Leifs Eiríkssonar allan sólarhringinn og samkvæmt upplýsingum frá Gray Line, sem rekur Airport Express, þá endurspeglast metfjölgun erlendra ferðamanna í ár ekki heldur í farþegatölum í áætlunarferðum fyrirtækisins til og frá Leifsstöð. Allt fram til síðasta árs hafi fjölgun farþega og erlendra ferðamanna hins vegar haldist í hendur en í fyrra varð breyting þar á og í ár hefur bilið breikkað enn frekar samkvæmt því segir í svari frá Airport Express.
Hvort meginskýring á því að rútufarþegum fjölgar hlutfallslega hægar en ferðamönnum séu sú að fleiri leigi bílaleigubíla nú en áður skal ósagt látið. En líkt og kannanir Túrista hafa sýnt þá hafa verðskrár bílaleiganna við Leifsstöð farið lækkandi. Hins vegar eru leigubílar dýrari kostur hér en til að mynda í nágrannalöndunum þegar ferðast er milli miðborgar og flugstöðvar.
Strætó býður einnig upp á ferðir til og frá Flugstöð Leifs Eiríkssonar en fyrstu strætóferðirnar eru ekki nógu tímanlega fyrir morgunflug íslensku flugfélaganna. En á venjulegum degi er um þriðjungur allra brottfara frá Keflavíkurflugvelli á dagskrá í morgunsárið þar með er sá kostur fýsilegur fyrir stóran hluta flugfarþega.

Fjöldi sjálftengifarþega kannaður á næstunni

Vegna þeirrar umræðu sem varð í vor kjölfar umfjöllunar Túrista í vor um að fjöldi ferðamanna hér á landi væri hugsanlega ofmetinn, m.a. vegna fjölgunar sjálftengifarþega, þá sendu Ferðamálastofa og Isavia frá sér sameiginlega yfirlýsingu þar sem meðal annars kom fram að gerð yrði sérstök úttekt á fjölda þeirra farþega sem aðeins millilenda á Keflavíkurflugvelli en skipta þar um flugfélag. Þessi hópur þarf í flestum tilfellum að sækja farangur sinn við komuna hingað og innrita sig á ný og fer þá í gegnum vopnaleitina þar sem talning Ferðamálastofu fer fram. Samkvæmt svari Guðna Sigurðssonar, upplýsingafulltrúa Isavia, mun fyrsta úttekt á fjölda sjálftengifarþega fara fram á fyrri hluta þessa mánaðar og verður hún gerð reglulega þar eftir til að greina hvort árstíðarsveiflur séu í stærð þessa farþegahóps.
Það eru vísbendingar um þess háttar sveiflur því samkvæmt könnun sem forsvarsmenn Fluglestarinnar létu gera meðal farþega í innritunarsal Leifsstöðvar þá var hlutfall hópsins 5.2% í júlí í fyrra en 2,2% í febrúar sl. samkvæmt því sem kom frá á Morgunvaktinni á RÚV í sumarbyrjun. Vægi þessa hóps er þó í raun tvöfalt hærra, til dæmis er Íri sem kemur hingað frá Dublin með WOW air og flýgur samdægurs með Icelandair til Denver talinn sem erlendur ferðamaður á leiðinni vestur um haf. En líka á leiðinni heim, fari hann aftur um Keflavíkurflugvöll og ferðist með meira en bara handfarangur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …