Samfélagsmiðlar

Bætt talning ferðamanna í Flugstöð Leifs Eiríkssonar

Þjóðerni sjötta hvers ferðamanns sem hingað kemur hefur verið á huldu, alla vega þegar litið er til talningar ferðamanna á Keflavíkurflugvelli. Stærð þessa hóps ætti hins vegar að dragast saman með ítarlegri talningu sem tekin var upp nýverið.

Þjóðerni sjötta hvers ferðamanns sem kemur hingað til lands hefur verið á huldu, alla vega þegar litið er til talningar ferðamanna á Keflavíkurflugvelli. Við vopnaleitina í Flugstöð Leifs Eiríkssonar þurfa flugfarþegar að sýna vegabréf þannig að hægt sé að flokka þá eftir þjóðernum. Þessi talning, sem framkvæmd er fyrir Ferðamálastofu, hefur lengi verið helsti mælikvarðinn á umsvifin í ferðaþjónustu landsins og eru niðurstöður talninganna birtar mánaðarlega. Þar er erlendu ferðalöngunum skipt upp eftir sautján þjóðernum og fólk frá öðrum þjóðum fer í flokkinn „aðrir“. Sá hópur hefur farið sístækkandi í takt við ferðamannastrauminn hingað til lands og í fyrra var þjóðerni 286 þúsund erlendra ferðamanna óþekkt. En í heildina voru ferðamenn hér rétt tæplega 1,8 milljónir á síðasta ári og það lætur því nærri að sjötti hver túristi sem hingað kemur fari í óskilgreinda hópinn.
Vægi hópsins hefur verið á þessu bili, 11 til 17 prósent, allt frá árinu 2002, þegar talning Ferðamálastofu á Keflavíkurflugvelli hófst. Næst þegar ferðamannatölur verða kynntar eru hins vegar miklar líkur á að fækkað hafi í hópnum „aðrir“ því í sumarbyrjun var talningin bætt og nú munu í fyrsta sinn fást upplýsingar um fjölda ferðamanna frá Írlandi, Austurríki, Belgíu, Indlandi, Ísrael, Hong-Kong, Suður-Kóreu, Taívan, Singapúr, Ástralíu, Nýja-Sjálandi og Eystrarsaltslöndunum.

Helmingi minni vöxtur í fyrra

Gistináttatölur Hagstofu Íslands eru hins vegar greinanlegar eftir mun fleiri þjóðernum en talningin á Keflavíkurflugvelli. En öfugt við það sem tíðkast í mörgum öðrum löndum þá hafa upplýsingar um gistinætur ekki verið aðal mælistikann í ferðaþjónustunni hér á landi. Forsvarsmenn greinarinnar, ráðamenn og fjölmiðlar vísa nefnilega langoftast í talningu flugfarþega þegar umsvifin í ferðaþjónustunni eru til umræðu en ekki fjölda þeirra sem kaupa gistingu. Jafnvel þó ferðamaður sé skilgreindur sem sá sem gistir í landinu í að minnsta kosti í eina nótt samkvæmt vef Ferðamálastofu. Ef fjöldi gistinátta væri almennt notaður til að mæla vöxt íslensku ferðaþjónustunnar þá hefði hann verið rétt um 21,6% í fyrra eða helmingi minni en talningin á Keflavíkurflugvelli sagði til um.
Þess má geta að viðræður um ítarlegri talningu við vopnaleitina hafa átt sér stað milli Isavia og Ferðamálastofu um langt skeið en vorið 2015 sagði Túristi frá því að Ferðamálastofa og Samtök ferðaþjónustunnar hefðu óskað eftir því að ferðamenn yrðu flokkaðir betur en þá óttuðust forsvarsmenn Keflavíkurflugvallar að það yrði til þess að biðraðir við vopnaleit myndu lengjast.
TENGDAR GREINAR: Metfjöldi ferðamanna skilar sér ekki í rúturnar við LeifsstöðFærri hótelgistingar útlendinga

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …