Samfélagsmiðlar

„Eini flugvöllurinn sem er raunverulega í London“

Í lok október bætist Ísland við leiðakerfi London City flugvallar og forsvarsmenn hans segja staðsetningu hans mikinn kost. 

british airways londoncity

Breska flugfélagið British Airways bætir umtalsvert við Íslandsflug sitt í vetur. Félagið mun þannig fljúga tvisvar á dag hingað frá Heathrow og jafnframt bjóða upp á tvær ferðir í viku frá London City flugvelli líkt og Túristi greindi frá. Þar með geta farþegar hér á landi valið um áætlunarferðir til fimm flughafna á Lundúnarsvæðinu og forsvarsmenn London City flugvallar sjá ótvíræða kosti við að velja nýliðann í hópnum.

„Staðsetningin er mjög hentug fyrir fólk á leið til London frá Reykjavík því London City er eini flugvöllurinn sem er raunverulega í London,“ segir Richard Hill, yfirmaður viðskiptasviðs London City flugvallar, í samtali við Túrista. „Héðan tekur aðeins um 20 mínútur að komast inn miðborgina með almenningssamgöngum og korteri eftir lendingu geta farþegarnir verið komnir að útidyrum flugstöðvarinnar eða upp í lest. Ferðalagið tekur því styttri tíma og því gefst meiri tími til að upplifa London.“

Á sama hátt gengur innritunin hratt fyrir sig og segir Hill að í flestum tilfellum sé nóg fyrir farþega að mæta klukkutíma fyrir brottför.

Íslandsflug fyrir fólk á leið í frí

Vegna staðsetningar hefur London City flugvöllur verið vinsæll meðal fólks í vinnuferðum og segir Richard Hill segir sá hópur sé ríflega helmingur þeirra sem nýti sér flugvöllinn. Til samanburðar er hlutfall viðskiptaferðalanga innan við þriðjungur á Heathrow flugvelli. „Engu að síður eru fyrsta flokks ferðamannastaðir líka mikilvægur hluti af starfseminni, héðan flýgur British Airways t.d. til vinsælla staða eins og Ibiza, Mallorca, Skiathos, Mykonos og Flórens. Við teljum að flugið héðan til Reykjavíkur, sem er þekkt fyrir iðandi og margbrotið næturlíf og stórkostlegt landslag, muni líka njóta vinsælda hjá Lundúarbúum sem eru í leit að helgarferð eða vilja fara í lengra ferðalag um Ísland.“ Og miðað við fréttatilkynningu frá British Airways þá reikna forsvarsmenn félagsins með því að flugið frá London City verði fyrst og fremst nýtt af fólki á leið í frí en ekki vinnuferð.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …