Fyrrum forstjóri Flugleiða til WOW air

Í febrúar árið 2005 tók Ragnhildur Geirsdóttir, þáverandi framkvæmdastjóri hjá Icelandair, við sem forstjóri Flugleiða sem var þá heiti móðurfyrirtækis flugfélagsins. En hjá Icelandair hafði hún starfað allar götur síðan árið 1999. Ragnhildur lét hins vegar af starfi forstjóra Flugleiða eftir aðeins 8 mánuði en hefur síðan þá verið forstjóri Promens og framkvæmdastjóri hjá Landsbankanum. Í dag hóf hún svo að nýju störf í fluggeiranum og nú sem aðstoðarforstjóri WOW air. En flugáætlun íslenska lággjaldaflugfélagsins er í dag mun viðameiri en áætlun Icelandair var á þeim árum sem Ragnhildur starfaði þar. Og í farþegum talið er WOW air í dag álíka stórt flugfélag og Icelandair var fyrir tveimur árum síðan.

Starfsstöð í útlöndum

Í tilkynningu frá WOW segir að með tilkomu Ragnhildar muni Skúli Mogensen, stofnandi og forstjóri félagsins, einbeita sér að langtíma stefnumótun og uppbyggingu WOW air erlendis sem og innleiðingu á tækninýjungum sem hafa ekki áður þekkst í flugheiminum. Aðspurður um hvort þær tækninýjungar snúi að sölu- og markaðsmálum eða flugflota félagsins segir Skúli, í svari til Túrista, að það sé hernaðarleyndarmál.

Það er hins vegar ekkert leyndarmál að forsvarsmenn WOW air hafa skoðað þann möguleika að opna starfsstöð út í heimi og hefur flugvöllurinn Dublin verið nefndur sem ákjósanlegur kostur.

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira

Þýska maskínan höktir

Þjóðverjum hefur vegnað vel á efnahagssviðinu síðustu áratugi. Hagkerfi landsins hefur notið þess að framleiðsla á gæðavarningi, flottum bílum og þróuðum tæknibúnaði, hefur verið eftirsótt um heim allan. En nú höktir þýska maskínan af því að hún hefur ekki lengur aðgang að ódýrri orku frá Rússlandi.

Boða fjárfesta til fundar

Flugfélagið Play býður fjárfestum og markaðsaðilum til eftirmiðdagsfundar með stjórnendum félagsins nú á fimmtudaginn á Grand Hótel. Dagskrá hefst klukkan 15:15 að því segir í tilkynningu. Þar segir að á fundinum muni lykilstjórnendur veita innsýn í rekstur félagsins. „Farið verður yfir þann árangur sem félagið hefur náð nú í lok þriðja sumars í rekstri og mat stjórnenda … Lesa meira

Fyrrum forstjóri Flugleiða til WOW air

Ragnhildur Geirsdóttir hefur verið ráðin sem aðstoðarforstjóri WOW air og Skúli Mogensen einbeitir sér að „hernaðarleyndarmálum".