Samfélagsmiðlar

Íslensku flugfélögin berjast um Berlín

Icelandair ætlar að hefja flug til þýsku höfuðborgarinnar og WOW fjölgar ferðunum þangað en framtíð umsvifamesta flugfélags borgarinnar er í mikilli óvissu.

berlin sol

Aðeins þremur dögum eftir að stjórnendur Airberlin fóru fram á greiðslustöðvun tilkynntu forsvarsmenn Icelandair að félagið myndi hefja flug til Berlínar allt árið um kring. Fyrsta ferðin verður farin í nóvember og munu þotur félagsins lenda á Tegelflugvelli í vesturhluta borgarinnar. Aðspurður um hvort ástandið hjá Airberlin hafi eitthvað með ákvörðunina að gera segir Guðjón Arngrímssom, talsmaður Icelandair, að þar á bæ hafi verið fylgst vel með þessum markaði og greiðslustöðvun Airberlin hafi kemur vissulega hreyfingu á.
Örstuttu eftir tilkynningu Icelandair á föstudag gaf WOW air það út að félagið myndi fjölga ferðum sínum til Schönefeld flugvallar í austurhluta Berlínar úr sjö í átta í viku.

Airberlin með stóra hlutdeild í Berlín

Það er því greinilegt að forsvarsmenn íslensku flugfélaganna sjá möguleika í þeirri stöðu sem komin er flugsamgöngum til og frá Berlín líkt og Túristi hafði spáð. Í dag stendur Airberlin nefnilega fyrir nærri þremur af hverjum 10 áætlunarferðum frá þýsku höfuðborginni og tækifærin fyrir WOW og Icelandair eru ekki aðeins fólgin í fólksflutningum milli Íslands og Berlínar heldur aðallega að bjóða í ferðum milli Berlínar og N-Ameríku, með tengingu á Keflavíkurflugvelli. En líkt og kom fram í greiningu Túrista þá flýgur Airberlin í dag til fimm borga vestanhafs og þær eru allar hluti af leiðakerfi WOW air. Icelandair flýgur til tveggja af þessum fimm, þ.e. New York og Chicago.
Eins og Túristi greindi frá í gær þá hefur Isavia farið fram á fyrirframgreiðslu á lendingargjöldum frá Airberlin en þotur félagsins lenda að jafnaði tvisvar til þrisvar á dag á Keflavíkurflugvelli.

Í fyrsta sinn sem Icelandair fer eftir WOW

Berlín hefur verið hluti að leiðakerfi WOW air allt frá stofnun 2012 en Icelandair spreytti sig á flugi þangað nokkur sumar fyrir um áratug síðan. Samkvæmt því sem Túristi kemst næst hefur Icelandair hingað til ekki hafið flug til borgar sem WOW air flýgur þegar til. Eins og gefur að skilja hefur WOW air hins vegar farið í samkeppni við Icelandair á fjöldamörgum áfangastöðum og í viðtalið við fréttastofu RÚV á fimmtudag sagði Skúli Mogensen, eigandi og forstjóri WOW, að á næstunni myndi félagið bæta við nýjum áfangastöðum. Ekki er ólíklegt að þar verði að finna áfangastaði í N-Ameríku sem Icelandair flýgur til í dag, t.d. Seattle, Orlando eða Denver. Það gæti einnig verið stutt í að farþegar á Keflavíkurflugvelli geti flogið beint til Las Vegas en norska lággjaldaflugfélagið Norwegian gaf þá flugleið nýverið upp á bátinn og WOW gæti séð tækifæri í að fylla í þá eyðu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …