Samfélagsmiðlar

Metmánuður á Keflavíkurflugvelli og stutt bið í vopnaleit

Um 1,1 milljón farþega fór um Keflavíkurflugvöll í síðasta mánuði og 99 prósent þeirra sem þurftu í vopnaleit þurftu að bíða þar skemur en í 10 mínútur.

isavia oryggisleit

Júlí er vanalega annasamasti mánuðurinn í Flugstöð Leifs Eiríkssonar og aldrei hafa farþegarnir verið fleiri en í nýliðnum mánuði þegar um 1,1 milljón farþega átti leið um flughöfnina. Það er viðbót um 22 prósent frá sama tíma í fyrra þegar farþegarnir voru 900.081.

Þrátt fyrir þessa miklu viðbót þá var meðalbiðtíminn í vopnaleitinni stuttur því 92 prósent farþeganna fór þar í gegn eftir minna en fimm mínútna bið og fyrir 99 prósent farþega var biðin styttri en 10 mínútur samkvæmt upplýsingum frá Isavia.

Í júlí í fyrra voru biðraðirnar aðeins lengri en núna en miðað við sumarið 2015 þá er um mjög mikla bætingu að ræða því var þá ástandið stundum erfitt og upp komu tímar þar sem mynduðust langar raðir. Það gerðist hins vegar ekki núna og ekki heldur í síðasta mánuði líkt og Túristi greindi frá.

Fleiri í júlí en allt árið 1997

Þessa fyrstu daga ágústmánaðar er umferðin Keflavíkurflugvöll líka mikil og til að mynda eru 111 brottfarir á dagskrá í dag. Á þess háttar degi gæti farþegafjöldinn náð um 40 þúsundum. En í heildina áttu 2 milljónir farþega leið um flughöfnina í júní og júlí sem er álíka fjöldi og allt árið 2010. Sé lítið ennþá lengra aftur má sjá að farþegafjöldinn í júlí síðastliðnum jafnast á við traffíkina allt árið 1997, árið sem Isavia var stofnað.

Í ár er gert ráð fyrir að farþega á Keflavíkurflugvelli verði tæplega 8,8 milljónir og þar af eru skiptifarþegar rétt rúmlega þriðjungur.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …