Nýtt hótel í Tryggvagötu mun heita Exeter House

„Þetta verður fjögurra stjörnu „boutique“ hótel,“ segir Páll L. Sigurjónsson, framkvæmdastjóri Keahótelanna, aðspurður um Exeter House, nýjan gististað fyrirtækisins sem opna mun á næsta ári. Hótelið rís á svokölluðum Tryggvagötureit og sækir nafn sitt til Exeter hússins sem þar stóð en var rifið í leyfisleysi í fyrra. Í framhaldinu setti Reykjavíkurborg það skilyrði fyrir áframhaldandi framkvæmdum á svæðinu að Exeterhúsið yrði endurbyggt og eins og sjá má á myndinni hér fyrir ofan þá verður sú bygging hluti af hinu nýja 104 herbergja hóteli.
Keahótelin eru þriðja stærsta hótelkeðja landsins með 624 herbergi á 8 hótelum sem staðsett eru á Akureyri, við Mývatn og í Reykjavík.

Líklega stærsta erlenda fjárfestingin í íslenskri ferðaþjónustu

Nýverið var gengið frá sölu á Keahótelum og kaupandinn er fjárfestingafélagið K Acquisitions ehf. Að baki því félagi stendur fasteignafélagið JL Properties með fjórðungshlut og bandaríska eignastýringarfyrirtækið Pt Capital Advisors sem á helming en bæði þessu fyrirtæki eru frá Alaska í Bandaríkjunum. Íslenska fjárfestingarfélagið Tröllahvönn fer svo með 25% hlut en það var áður eigandi að 36% hlut í Keahótelum. Kaupverð fæst ekki uppgefið en í viðtali við Alaska Dispatch News í sumar sagði John Rubini, forstjóri JL Properties, að heildarkaupverðið yrði um 5,3 milljarðar króna (51 milljón dollara). Hafi það gengið eftir þá er þetta mjög líklega stærsta erlenda fjárfestingin í íslenskri ferðaþjónustu hingað til samkvæmt því sem Túristi kemst næst.
Þess má geta að í fyrrnefndu viðtali við Rubini sagði hann að fjárfesting hans næmi 6,5 milljónum dollara eða 680 milljónum íslenskra króna. Af því að dæma hefur um helmingur kaupverðisins verið fjármagnaður með lánsfé.

Sameiningar í hótelgeiranum?

Vísbendingar eru um að fjárfesting í hótelum verði tugum milljarða króna minni en fjárfestar höfðu áformað samkvæmt úttekt Morgunblaðsins á íslenska hótelgeiranum sem birtist um helgina. Þar var haft eftir Helga S. Gunnarssyni, forstjóra fasteignafélagsins Regins, að hótelmarkaðurinn væri yfirverðlagður og Garðar Hannes Friðjónsson, forstjóri fasteignafélagsins Eikar, segir fjárfesta orðna varkárari við útlán til ferðageirans. John Rubini segist þó sjá tækifæri í greininni því í tilkynningu, um kaup hans á fjórðungshlut í Keahótelunum, er haft eftir Rubini að hann telji fyrirtækið vera í sterkri stöðu til að vaxa og nýta þau tækifæri sem eru til sóknar og samlegðar í íslenskri ferðaþjónustu eins og það er orðað.

Ódýrara flug í skíðabrekkurnar

Nú er skíðavertíðin að hefjast í Ölpunum en framboð á flugi héðan til vel staðsettra flugvalla við fjallgarðinn verður nú meira en nokkru sinni áður. Sem fyrr ætla bæði Icelandair og Play að halda úti ferðum til Salzburg í Austurríki og sá sem bókar flug í dag fær í mörgum tilfellum ódýrari miða en sá … Lesa meira

Ætla ekki til Tel Aviv á næsta ári

Nú í sumar hélt Icelandair úti áætlunarflugi til Tel Aviv í Ísrael í fyrsta sinn en gert var ráð fyrir að gera hlé á ferðunum í vetur, frá og með miðjum október. Þegar Hamas gerði árás á Ísrael þann 7. október aflýsti félagið hins vegar þeim ferðum sem eftir voru. Utanríkisráðuneytið leigði svo þotu af … Lesa meira

Aukin réttindi farþega

Evrópusambandið hefur haft forystu um að tryggja réttindi farþega - sama hver flutningsmátinn er. Endurskoðun núverandi réttinda felur þó í sér töluverðar úrbætur og aukin réttindi. Aðildaríki eru hvött til að sýna meira frumkvæði í stað þess að bregðast einungis við kvörtunum.

Milljón bílar

Breskir bílaframleiðendur gera ráð fyrir að smíða eina milljón bíla á þessu ári - töluvert fleiri en spáð hafði verið en færri en fyrir heimsfaraldur. Ríkisstjórnin hefur varið háum fjárhæðum í styrki til að örva framleiðsluna og afkastamiklir framleiðendur fjárfest mikið í nýjum verksmiðjum.

Útgerðir leiðangursskipa lýsa andstöðu við innviðagjald

Í fyrstu drögum áætlunar um aðgerðir í tengslum við ferðamálastefnu til ársins 2030 kemur fram hugmynd um að lagt verði á sérstakt innviðagjald á skemmtiferðaskip sem flytja ferðamenn til Íslands og fara með þá hringinn í kringum það. „Gjaldtakan miðist við að jafna samkeppnisstöðu innlendra og erlendra aðila,“ segir í fyrstu tillögum starfshópa ferðamálaráðherra, sem … Lesa meira

Nýtt hótel í Tryggvagötu mun heita Exeter House

Keahótelin opna á næsta ári 104 herbergja gististað í miðborginni en 75% hlutur í þessari þriðju stærstu hótelkeðju landsins var nýverið seldur til fjárfesta frá Alaska.