Áætlunarflug til 57 erlendra borga og Akureyrar

Í lok október hefst vetraráætlun flugfélaganna og dagskrá Keflavíkurflugvallarí vetur er áætlunarflug til 36 evrópskra borga, 19 borga í N-Ameríku, Tel Aviv í Ísrael og svo til Akureyrar. Í heildina eru þetta 57 áfangastaðir en auk Tel Aviv hefur ekki áður verið flogið héðan yfir vetrarmánuðina til Vancouver, Pittsburgh, Katowice, Prag, Tampa, Wroclaw, Miami og Zurich. Áætlunarflugið skiptist á milli 14 flugfélaga og nýliðarnir í þeim hópi eru Finnair og Lufthansa. Frá Reykjavíkurflugvelli flýgur svo Air Iceland Connect til Nuuk, Kulusuk og Nerleriat Innat á Grænlandi en flugið til þess síðastnefnda flugvallarins er í samvinnu við Norlandair á Akureyri.

Upplýsingar um hvaða flugfélag flýgur hvert má sjá á tölfunni hér fyrir neðan og í þeim flugleiðum þar sem samkeppni er um farþegana mælir Túristi með leitarvél Momondo til að bera saman verð og flugáætlanir. Í Belfast, Berlín, Washington, New York og London lenda flugfélögin á mismunandi flugvöllum.

Þess ber að geta í upptalningunni eru aðeins þeir áfangastaðir sem flogið verður til í allan vetur eða stóran hluta hans. Jóla- og áramótaflug og leiguflug á vegum ferðaskrifstofa eru ekki tekin með.

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.