Samfélagsmiðlar

Brátt geturðu farið um Stokkhólm á rafmagnshjóli

5 þúsund rafknúnum reiðhjólum verður dreift um sænsku höfuðborgina á næsta ári svo fólk komist hjólandi um borgarlandið án þess að ofreyna sig. Leigan í Stokkhólmi er mun ódýrari en í Reykjavík.

Það verður auðveldara að hjóla um Stokkhólm á næsta ári.

Síðustu ár hafa yfirvöld í fjöldamörgum borgum komið upp á reiðhjólastöndum þar sem heimamönnum og ferðafólki stendur til boða að leigja sér reiðhjól í nokkra tíma eða jafnvel heilan dag. Í Stokkhólmi hefur þessi þjónusta verið í boði um árabil í miðborginni næsta vor verður núverandi hjólaflota skipt út fyrir 5 þúsund rafmagnshjól og verða þau ekki aðeins í miðborginni heldur líka í úthverfunum samkvæmt frétt Dagens Nyheter. Borgarfulltrúi Umhverfisflokksins segir þetta vera lið í að bjóða upp á sjálfbærar samgöngur um sænsku höfuðborgina en í dag eru þar aðeins fimmtán hundruð leiguhjól en fjöldinn mun s.s. ríflega þrefaldast á næsta ári. Rafmagnshjólin ná allt að 25 kílómetra hraða en þeir sem vilja fara hraðar verða þá sjálfir að sjá stíga á pedalana.

Það er auglýsingafyrirtækið JC Decaux sem mun reka hjólaleiguna en þetta sama fyrirtækið sagði einmitt nýverið upp samningi sínum við Reykjavíkurborg um rekstur strætóskýlanna í borginni og eins hefur fyrirtækið verið ósátt við auglýsingar í kringum hjólastöðvarnar í borginni sem nýverið voru teknar í notkun. Talsmaður JC Decaux í Svíþjóð segir að hjólaleigan verði ekki fjármögnum með auglýsingum við hjólagrindur heldur munu viðskiptavinirnir sjálfir greiða fyrir notkunina. Þannig mun dagurinn kosta 19 sænskar (250 íslenskar) og árskort verður á 250 sænskar (3300 kr). Til samanburðar kostar hálftíma leiga á WOW hjólunum í Reykjavík 350 krónur og árskortið 16.900 krónur eða sex sinnum meira en í Stokkhólmi. Hjólavertíðin í sænsku borginni mun þó aðeins standa yfir frá vori og fram í vetrarbyrjun.


Frá fimmtudegi til sunnudags er hægt að fá ódýrara far með Arlanda Express hraðlestinni frá flugvellinum og niður í bæ. Sjá hér

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …