Samfélagsmiðlar

Fimmfalt fleiri í Bandaríkjaflugið frá Íslandi

Í fyrra flugu 805 þúsund farþegar frá Keflavíkurflugvelli til Bandaríkjanna og þeim hefur farið hratt fjölgandi síðustu ár. Aukin samkeppni hefur ekki orðið til þess að dregið hafi úr umsvifum Icelandair vestanhafs.

Í dag fljúga 22 þotur héðan til Bandaríkjanna en frá Kaupmannahafnarflugvelli, fjölförnustu flughöfn Norðurlanda, verða ferðirnar vestur um haf aðeins sex talsins. Þessi mikli munur takmarkast ekki bara við daginn í dag því farþegum í Flugstöð Leifs Eiríkssonar standa almennt til boða mun tíðari ferðir til Bandaríkjanna og til fleiri áfangastaða en gerist og gengur á hinum Norðurlöndunum. Og það stefnir í að úrvalið aukist töluvert á næsta ári með nýjum áfangastöðum í miðvesturhluta Bandaríkjanna. Lega Íslands og sú staðreynd að bæði Icelandair og WOW gera út á flug milli N-Ameríku og Evrópu, með millilendingu hér á landi, er helsta ástæðan fyrir því að framboðið á Bandaríkjaflugi héðan er eins mikið og dæmið hér að ofan sýnir. Og miðað við þau gögn sem Túristi hefur fengið frá bandarískum samgönguyfirvöldum þá flugu fimmfalt fleiri farþegar, frá Keflavíkurflugvelli til Bandaríkjanna, í fyrra en árið 2010. Þannig sátu rúmlega 805 þúsund farþegar í þotunum sem fóru héðan til bandarískra flugvalla á síðasta ári eða um 2200 farþegar á dag en þeir voru um 160 þúsund allt árið 2010 eins og sjá má á grafinu hér fyrir neðan.
Þar sést líka að farþegum Icelandair fjölgar umtalsvert á milli ára jafnvel þó WOW air hafi byrjað að fljúga vestur um haf í hittifyrra. Innkoma Delta Air Lines hefur heldur ekki dregið úr umsvifum Icelandair en vafalítið er aukin samkeppni í Ameríkuflugi, bæði frá Íslandi og Evrópu, meginástæða þess að nú er ódýrara að fljúga til Bandaríkjanna en áður.
Þess ber að geta að áætlunarflug Iceland Express til Bandaríkjanna sumarið 2010 og 2011 kemur ekki fram í tölunum frá Bandaríkjunum og þær ná aðeins yfir farþegafjölda til Bandaríkjanna frá Keflavíkurflugvelli, ekki í hina áttina.

Bandaríkjamenn eru fjölmennastir í hópi ferðamanna hér á landi og í fyrra voru þeir 415 þúsund talsins samkvæmt talningu Ferðamálastofu eða rúmur helmingur af þeim 805 þúsund farþegum sem flugu héðan til Bandaríkjanna í fyrra. Ef til einföldunar er gert ráð fyrir að allir bandarískir túristar, sem hingað koma, fljúgi tilbaka til Bandaríkjanna þá sést að vægi þeirra í farþegaflórunni hefur aukist verulega eftir að WOW hóf að fljúga til Ameríku í hittifyrra. Áður skipuðu bandarískir ferðamenn um þriðja hvert sæti í þotunum sem flugu frá Keflavíkurflugvelli en hlutfallið rauk upp í 46% í hittifyrra og hækkaði upp í rúmlega helming í fyrra eins og myndi sýnir.
Ástæðurnar geta verið margvíslegar, til dæmis lægri fargjöld, tíðari ferðir, auknar vinsældir Íslands sem ferðamannastaðar og sterkt gengi dollars. Eins gæti spilað inn í að WOW air er eitt um flugið héðan til Kaliforníu og farþegar sem eru komnir svo langt að gætu frekar kosið að dvelja á landinu í stað þess að halda áfram til Evrópu.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …