Samfélagsmiðlar

Íslenskir hótelstjórar veita væna afslætti í vetur

Nærri 100 hótel um allt land bjóða nú sérstakan norðurljósaafslátt á tiboðssíðu Hotels.com. Framboðið hér á landi er nokkru meira en á hinum Norðurlöndunum.

reykjavik Tim Wright

Jafnvel þó miklu fleiri sæki nú Ísland heim yfir vetrarmánuðina en áður tíðkaðist þá standa fleiri hótelherbergi tóm á þeim árstíma en yfir sumarið. Sérstaklega utan höfuðborgarsvæðisins og það er því ekki að undra að íslenskir hóteleigendur slái af verðinu yfir köldustu mánuðina líkt og starfsbræður þeirra víða út heim gera nú um mundir. Tilboðin hér á landi eru þó miklu fleiri en til að mynda á hinum Norðurlöndum ef tilboðssíða Hotels.com gefur rétta mynd af stöðunni. Þar eru núna auglýst sérstök norðurljósakjör á gistingu á Íslandi, Svíþjóð, Noregi og Finnlandi og er framboðið langmest hér á landi. Rétt um 100 íslenskir gististaðir, í öllum verðflokkum, taka nefnilega þátt og bjóða allt að fjórðungsafslátt af gistingunni frá miðjum október og fram til vetrarloka. Flest hótelin eru í Reykjavík eða 37 talsins en hin á víð og dreif um landið. Í Svíþjóð eru tilboðin rétt um sextíu og þar af um helmingur í Stokkhólmi en aðeins fjórir hótelstjórar í Ósló taka þátt og tveir í Helsinki. Í minni borgum og bæjum í Noregi og Finnlandi er þó einnig að finna afslætti.

Sem fyrr segir er hægt að velja á milli ýmis konar gistingar á tilboðinu hjá Hotels.com. Þannig býður Hótel Borg nóttina á rúmar 22 þúsund krónur og á ódýrasta herbergið á Marina Hótel er á rúmar 27 þúsund krónur. Hæsta tilboðsverðið er hins vegar í háhýsinu við Katrínartún en nóttin á Tower Suites kostar að lágmarki 126 þúsund hjá Hotels.com. Tilboðin á þriggja stjörnu hótelunum hljóma upp á 15 til 20 þúsund krónur og tveggja stjörnu gisting er um helmingi ódýrari að jafnaði. Verðlagið á Akureyri, Borgarnesi og víðar eru svipað og í höfuðborginni.

Íslendingar sem ætla sér að heimsækja hin Norðurlöndin í vetur geta líka fundið góð kjör á norðurljósatilboði Hotels.com, t.d. í Stokkhólmi jafnvel þó líkurnar á ljósasýningu á himni þar í borg séu engar.

Nýtt efni

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …