Samfélagsmiðlar

Tala ekki lengur um erlenda ferðamenn

Hin opinbera talning á fjölda ferðamanna á Íslandi er nú kynnt sem upplýsingar um fjölda erlendra flugfarþega Keflavíkurflugvelli.

Curren Podlesny

Í opinberri umræðu um ferðaþjónustuna hefur talning Ferðamálastofu á erlendum ferðamönnum á Keflavíkurflugvelli lengi verið helsti mælikvarðinn á umsvif atvinnugreinarinnar. Ferðamálastofa birtir niðurstöður þessarar talningar mánaðarlega í samantekt á heimasíðu sinni og þá undir þeim formerkjum að um sé að ræða upplýsingar um fjölda erlendra ferðamanna á Íslandi. Í frétt á vef Ferðamálastofu, þar sem niðurstöðurnar fyrir nýliðinn ágúst eru kynntar, hefur hins vegar verið breytt út af vananum og nú er ekki lengur talað um fjölda þeirra ferðamanna sem fóru frá landinu heldur aðeins fjölda flugfarþega undir fyrirsögninni „284 þúsund brottfarir erlendra farþega í ágúst“. Fyrirsögnin var hins vegar „242 þúsund erlendir ferðamenn í ágúst“ þegar tölurnar fyrir sama tíma í fyrra voru birtar.  Þá stóð jafnframt í textanum að heildarfjöldi ferðamanna fyrstu átta mánuðina hefði verið 1,2 milljónir en í nýjustu fréttinni segir aftur á móti að það sem af er ári hafi 1,5 milljónir erlendra farþega farið frá landinu. Þessar mikilsmetnu tölur ná því ekki lengur yfir fjölda erlendra ferðamanna hér á landi heldur aðeins þá flugfarþega sem fara í gegnum vopnaleitina í Leifsstöð þar sem talningin fer fram.

Tugþúsundir sjálftengifarþega

Af frétt Ferðamálastofu að dæma þá er ástæðan fyrir þessari breytingu sú að nýleg könnun, meðal farþega á Keflavíkurflugvelli, sýndi að 11% brottfararfarþega nota flugvöllinn eingöngu til millilendingar eða stoppa yfir daginn en gista þó ekki. Þá voru 3% brottfararfarþega erlendir ríkisborgarar sem búa á Íslandi til skemmri eða lengri tíma. Þessi könnun var gerð vegna mikillar umræðu sem skapaðist i vor vegna umfjöllunar Túrista þar sem bent var á að vísbendingar væru um að hópur svokallaðra sjálftengifarþega væri hugsanlega að valda skekkju í talningu ferðamanna. Isavia og Ferðamálastofa sendu frá sér tilkynningu í kjölfar greinar Túrista þar sem segir að það sé mat Isavia að farþegar sem aðeins hafa viðdvöl í landinu til skemmri tíma, eða tengja sjálfir á milli flugfélaga, hafi í gegnum tíðina ekki verið að valda skekkju í þjóðernatalningunum svo neinu nemi.
Það kom hins vegar á daginn að skekkjan nam 14% í könnuninni í júlí og ferðamannafjöldinn í þeim mánuði því mögulega ofmetinn um 38 þúsund einstaklinga. Ráðgert er að gera nýja könnun meðal brottfararfarþega í vetur og þá kemur í ljós hvort hlutfall sjálftengifarþega og erlenda íbúa á Íslandi verður hærra eða lægra en það var í júlí.

Líkt og þurrka út apríl og maí í fyrra

Í nýrri skýrslu Arion banka um íslenska ferðaþjónustu, sem kynnt var í morgun, er þessi fyrrnefnda skekkja tekin í inn í tölur um ferðamannafjölda og að „áætlaður raunverulegur fjöldi ferðamanna“ í fyrra hafi því verið 1,55 milljónir en ekki 1,77 milljónir. Skýrsluhöfundar segja þó að þessi skekkja breyti ekki stóru myndinni. Í ljósi þeirrar fullyrðingar má benda á að ef ferðamenn hafa verið ofmetnir um 220 þúsund í fyrra, líkt og segir í kynningu Arion banka, þá jafngildar það öllum þeim erlendu ferðamönnum sem hingað komu í apríl og maí í fyrra samkvæmt talningu Ferðamálastofu. Og ferðamennirnir í júlí í fyrra voru litlu fleiri en sem nemur skekkjunni eða 236 þúsund.
Þórdís Kolbrún Reykfjörð Gylfadóttir, ráðherra ferðamála, hefur hins vegar sagt að mikilvægt sé að ofmeta ekki skekkjuna og hún hafi alltaf legið fyrir líkt og kom fram í svörum hennar við fyrirspurnum Túrista.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …