Samfélagsmiðlar

Hvar gista Pólverjarnir?

Hótelnóttum Pólverja fækkaði í september jafnvel þó pólskum flugfarþegum hafi fjölgað um nærri þrjá fjórðu.

Pólskum flugfarþegum fjölgaði um 74,4% í september.

Að jafnaði innrituðu 222 Pólverjar sig í flug frá Keflavíkurflugvelli á degi hverjum í september síðastliðnum og nam aukning 74,4% frá sama tíma í fyrra samkvæmt talningum Ferðamálastofu. Í heildina voru pólsku farþegarnir 6.661 í september og fjölgaði þeim um 2.842 frá því í september í fyrra. Það að pólskum flugfarþegum í Leifsstöð fjölgi milli ára þarf ekki að koma á óvart því flugumferðin milli Íslands og Póllands hefur aukist verulega síðustu misseri með stórauknum umsvifum Wizz Air hér á landi. En þetta ungverska lággjaldaflugfélag flýgur nú til Íslands frá fjórum pólskum borgum allt árið um kring. Auk þess flýgur WOW air héðan til Varsjár yfir sumarið.

Hins vegar vekur athygli að á sama tíma og Pólverjunum fjölgar svona mikið að þá fækkar pólskum gestum á íslenskum hótelum. Þannig fækkaði gistinóttum þeirra um 14 af hundraði í september samkvæmt tölum Hagstofunnar. Árin á undan hefur gistinóttum Pólverja á hótelum hins vegar farið fjölgandi eins og sjá má á töflunni hér fyrir neðan.

Skýringarnar á því að pólskum gistinóttum fækkar núna kunna að vera nokkrar. Fyrir það fyrsta þá eru margir Pólverjar með fasta búsetu hér á landi og þurfa því ekki að kaupa sér gistingu en þeir eru engu að síður taldir sem ferðamenn þegar þeir fljúga til og frá Keflavíkurflugvelli. Í öðru lagi þá má gera ráð fyrir að stóraukið framboð á flugi hingað frá Póllandi hafi haft þau áhrif að sífellt fleiri Pólverjar ferðist til Íslands til að heimsækja landa sína hér. Þessi hópur gistir þá væntanlega oftar en ekki í heimahúsi. Þriðja ástæðan fyrir þróuninni kann að vera sú að ásókn í aðrar tegundir gistingar en hótel kann að hafa aukist. Eins verður ekki horft fram hjá því flugáætlun Wizz Air passar í mörgum tilfellum vel við Ameríkuflug frá Keflavíkurflugvelli og þannig geta farþegar flugfélagsins fundið heppileg tengiflug héðan til Bandaríkjanna eða Kanada samdægurs. Þessi hópur þarf hins vegar að sækja farangur við komuna til Íslands og innrita sig á ný. Og þar með eru þeir taldir sem ferðamenn á Íslandi, bæði á leiðinn út og líka heim, þó þeir hafi kannski aldrei farið út fyrir flugstöðina. Fimmta skýringin kann svo að vera sú að dvalartími pólskri ferðamanna sé að styttast og hótelnæturnar verða þá færri.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …