Samfélagsmiðlar

Innanlandsflugið hér á landi ekki alltaf það dýrasta

Fargjöld í flugi innanlands hafa verið til brennidepli undanfarið en eins og verðsamanburður Túrista sýnir þá er það ekki bara á Íslandi sem innanlandsflugið getur verið dýrara en millilandaflug.

flugvel innanlands isavia

Ódýrustu flugmiðarnir frá Höfn til Reykjavíkur um þarnæstu helgi kosta 42.300 krónur en 40.805 kr. ef flogið er frá Egilsstöðum. Sá sem ætlar fljúga til Edinborgar frá Kirkwall í Skotlandi borgar líka rétt um 40 þúsund krónur fyrir miðann á meðan íbúi Frøde í Noregi þarf að greiða nærri 5 þúsund krónum meira fyrir flugið til Óslóar 13. til 15. október. Þeir sem bóka flug með svona stuttum fyrirvara til höfuðborganna frá Gotlandi, Røros eða Jyvaskyla borga hins vegar helmingi minna eða tæpar 20 þúsund krónur. Þetta sýnir verðkönnun Túrista þar sem borin eru saman fargjöld á sex flugleiðum hér á landi og átta í Skotlandi, Noregi, Svíþjóð og Finnlandi á mismunandi tímabilum í vetur.

Á öllum þessum flugleiðum, nema í fluginu milli Vestmannaeyja og Reykjavíkur, er flugtíminn á bilinu 40 til 70 mínútur og voru dagsetningar í könnuninni valdar af handhófi í kringum helgar, á virkum dögum og yfir næstu jól og páska. Niðurstaðan leiðir í ljós að meðalverðið er langhæst í flugi til Reykjavíkur frá Höfn og Húsavík en flugfélagið Ernir heldur úti áætlunarferðum á milli þessara staða. Þar á eftir koma Edinborgarflug frá Kirkwall og Stornoway og fimmta dýrasta innanlandsflugið er milli Frøde og Óslóar. Þar á eftir kemur stysta flugleiðin, frá Eyjum til höfuðborgarinnar, en þangað tekur innan við hálftíma að fljúga og verð á mínútu þar langhæst eins og sjá má á neðstu töflunni. Áætlunarferðir Air Iceland Connect koma svo í næstu sætum en innanlandsleiðir Finnair eru þær ódýrustu. Þess ber að geta að innritaður farangur fylgir ekki ódýrstu fargjöldum þessara tveggja flugfélaga því hjá Air Iceland Connect þarf að borga 3.200 krónur fyrir töskuna, báðar leiðir, en um 2.500 krónur hjá Finnair.

Í Skotlandi fá íbúar á ákveðnum svæðum styrki sem geta numið allt að helmingi af verði flugmiðans. Þrátt fyrir þann afslátt borga íbúar Kirkwall og Stornoway álíka hátt meðalverð og er í boði í áætlunarflugi Finnair til Helsinki frá Kuopio og Jyvaskyla. Í dæmunum hér að neðan er miðað við flug báðar leiðir og er meðalverð reiknað út frá fargjöldunum og þeim sex dagsetningum sem kannaðar voru.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …