Samfélagsmiðlar

Á þriðja þúsund Bretar til Akureyrar í byrjun árs

Sala á norðurljósferðum um Norðurland gengur vel í Bretlandi og sértaklega frá minni borgum. Búið er að fjölga ferðunum úr átta í fjórtán og til stendur að bjóða Norðlendingum upp á beint flug til Bretlands.

Norðurljósin hafa mikið aðdráttarafl.

Í janúar og febrúar ætlar breska ferðaskrifstofan Super Break að bjóða upp á sérstakar norðurljósaferðir hingað til lands og verður flogið beint til Akureyrar frá Bretlandi. Sala á þessum þriggja og fjögurra nátta pakkaferðum hófst í sumarlok og þá stóð til að bjóða upp á 8 brottfarir frá jafn mörgum flugvöllum í Bretlandi. Eftirspurnin hefur hins vegar reynst það mikil að nú er búið að bæta við sex aukaferðum og í nokkrar þeirra er nú þegar uppselt að sögn Chris Hagan hjá Super Break. Í heildina verða sæti fyrir um 2577 farþega í ferðunum fjórtán til Íslands og segir Hagan að á næstunni verði tilkynnt um enn fleiri ferðir á næsta ári og eins fyrir 2019. Einnig stendur til að bjóða heimamönnum fyrir norðan upp á flug frá Akureyri til Bretlands í byrjun næsta árs en nánari upplýsingar um þær ferðir verði birtar fljótlega.

Frá Keflavíkurflugvelli er boðið upp á áætlunarflug til 11 breskra flugvalla en Super Break notast við fáa af þeim fyrir sínar ferðir til Akureyrar. Segir Chris Hagan að eftirspurnin eftir norðurljósaferðunum hafi líka reynst mest frá þeim flugvöllum sem hafa ekki á boðstólum áætlunarflug til Íslands. Til marks um það þá er í dag uppselt eða örfá sæti laus í tvær ferðir frá Humperside, Norwich og Bournemouth og bókunarstaðan er álíka góð í ferðirnar frá Newcastle og Leeds. Hins vegar er meira laust í brottfarirnar frá stóru flugvöllunum og ástæðuna telur Hagan vera þá að fólk á þeim svæðum geti nú þegar valið úr fjölda ferða til Íslands.

Markaðsstofa Norðurlands hefur verið Super Break innan handar við skipulagningu Íslandsferðanna og ljóst er að allir þeir bresku ferðamenn sem von er á í ársbyrjun verða mikil lyftistöng fyrir ferðaþjónustuna norðan heiða. Chris Hagan segir að gistinætur hópsins gætu orðið allt að 9 þúsund talsins en til samanburðar þá voru gistinætur útlendinga á norðlenskum hótelum samtals 10.451 í janúar og febrúar í ár samkvæmt tölum Hagstofunnar.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …