Samfélagsmiðlar

Tekjuhæsti íslenski leigusalinn á Airbnb með 236 milljónir

Umsvif bandarísku gistimiðlunarinnar Airbnb halda áfram margfaldast á íslenska markaðnum og tekjur þeirra sem þar leigja út fasteignir geta skipt tugum og jafnvel hundruðum milljóna króna.

Mynd: Sigurjón Ragnar/sr-photos.com

Tekjur Airbnb af leigu í Reykjavík jukust um helming í september.

Á bilinu 6 til 7 þúsund íslensk gistirými eru að jafnaði í boði á vef Airbnb og 273 þeirra eru á vegum þeirra 10 leigusala sem hæstu tekjurnar hafa af útleigu í gegnum Airbnb hér á landi og samtals námu tekjur hópsins rúmum 1,1 milljarði síðastliðna 12 mánuði. Sá umsvifamesti hefur á þessum tíma fengið greidda leigu upp á 236 milljónir fyrir 47 gistirými og fjórir aðrir leigusalar fengur meira en hundrað milljónir frá Airbnb samkvæmt þeim upplýsingum sem nálgast má í gegnum Mælaborð ferðaþjónustunnar sem Stjórnstöð ferðamála opnaði á föstudaginn. Þar kemur einnig fram að velta Airbnb hér á landi var 15,2 milljarðar fyrstu níu mánuði ársins og þar af um 2 milljarðar króna í september. Í þeim mánuði jukust umsvifin bandaríska fyrirtækisins um helming á höfuðborgarsvæðinu en um rúmlega fjórfölduðust á landsbyggðinni.

Tekjur fyrirtækisins sjálfs, af starfsemi sinni á Íslandi, hafa því verið rúmlega 450 milljónir fyrstu níu mánuði ársins því samkvæmt svari Sofia Gkiousou hjá Airbnb, við fyrirspurn Túrista, þá greiðir fyrirtækið 97% af leigunni til leigusalanna eða gestgjafanna eins og þeir eru nefndir innan kerfisins. Í svari Gkiousou segir jafnframt að leigutekjur hins hefðbundna íslenska gestgjafa séu 1,1 milljón króna á ári og að viðkomandi leigi út í um 60 daga á ári. Vert er að benda á að ekki fást upplýsingar um meðaltekjur íslenskra leigusala hjá Airbnb heldur aðeins tekjur hins „hefðbundna gestgjafa“ og eins fékk Túristi ekki svar við spurningunni um fjölda þeirra gistinga sem Airbnb hefur miðlað á Íslandi í ár. Skortur á svörum og ónákvæmar upplýsingar eru reyndar almenna reglan hjá Airbnb og sjaldnast er orðið við beiðnum um frekari útskýringar á svörum.

Það þarf því ekki að koma á óvart að þær upplýsingar sem finna má í Mælaborði ferðaþjónustunnar, um umsvif Airbnb, eru ekki byggðar á gögnum frá fyrirtækinu sjálfu heldur upplýsingum frá Airdna en það fyrirtæki hefur sérhæft sig í að sækja upplýsingar á vef Airbnb. Íslensku bankanir hafa einnig notað gögn frá Airdna í sínar greiningar. Sofia Gkiousou hjá Airbnb vill hins vegar meina að þessi gögn séu ónákvæm meðal annars vegna þess að þau taki ekki tillit til mismunandi gistikosta, ónákvæmra skráninga og þess að dagatöl gestgjafa geti verið óuppfærð. Þetta ásamt öðru valdi því skekkju í gögnum þeirra fyrirtækja sem sækja upplýsingar inn á vefsíðu Airbnb líkt og Airdna gerir. Aðspurð um þessa gagnrýni, segir Abigail Long hjá Airdna, að aðferðafræði fyrirtækisins taki tillit til þessara þátta og tækni fyrirtækisins geri því kleift að greina dagatöl leigusalanna nákvæmlega.

Mælaborð ferðaþjónustunnar hefur að geyma upplýsingar um fleiri þætti ferðaþjónustunnar en aðeins Airbnb. Þar er einnig að finna tölur yfir fjölda ferðamanna, fram­boð á gist­i­rým­i, nýt­ingu hót­elher­bergja, kom­ur og dreif­ingu skemmti­ferðaskipa, fjölda starfs­manna í at­vinnu­grein­inni, gjald­eyris­tekj­ur og fjöldi bíla­leigu­bíla. Þess­ar töl­ur má skoða nán­ar á vefsíðunni eft­ir árum, landsvæðum, sveit­ar­fé­lög­um, at­vinnu­grein­um, þjóðern­um með myndrænum hætti. Von er á ítarlegri upplýsingum því viðræður standa yfir við fjöl­marg­ar stofn­an­ir um birt­ingu á fleiri gögn­um sem varði ferðaþjón­ust­una og þróun henn­ar samkvæmt því sem segir í tilkynningu frá Stjórnstöð ferðamála.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …