Samfélagsmiðlar

Sagan af Þjóðarþotunni gæti endurtekið sig

Flugvél Airberlin sem nú stendur á hlaðinu við Flugstöð Leifs Eiríkssonar er ekki eina farþegaþotan sem hið opinbera hefur tekið upp í skuld.

Í þarsíðustu viku var Airbus A320 farþegaþota Airberlin kyrrsett á Keflavíkurflugvelli vegna vangoldinna gjalda og þar er flugvélin ennþá þrátt fyrir að flugfélagið sé nú hætt starfsemi og hluti flota þess hafi verið seldur til easyJet um helgina. Að sögn Guðna Sigurðssonar, talsmanns Isavia, þá hafa átt sér samskipti milli aðila málsins en þau hafa ekki ennþá leitt til niðurstöðu. Áfram er þotan því í umsjón Isavia og er málið farið að minna á þá stöðu sem kom upp árið 1989 þegar hið opinbera leysti til sín farþegaflugvél Arnarflugs. Ríkið hafði gengist í ábyrgð fyrir kaupum flugfélagsins á þotunni en vegna rekstrarerfiðleika var flugvélin tekin yfir í febrúar 1989. Í ársbyrjun 1990 handsöluðu svo þáverandi fjármálaráðherra, Ólafur Ragnar Grímsson, og Arngrímur Jóhannsson, forstjóri flugfélagsins Atlanta, kaupin á þotunni og nam söluverðið um 440 milljónum á þáverandi gengi. Fjármögnun kaupanna drógst hins vegar á langinn meðal annars vegna þess að skoðunarvottorð þotunnar týndust.

Þjóðarþotan var töluvert í umræðunni árin 1989 til 1991 og voru forsvarsmenn Arnarflugs t.a.m. mjög ósáttir við framgöngu fjármálaráðherra í málinu. Fullyrtu þeira að Ólafur Ragnar hefði valdið Arnarflugi miklu tjóni með því að hafna kauptilboði fyrirtækisins í þotuna og einnig stórskaðað ríkissjóð með því að selja hana hafa ódýrt til Atlanta. Hver örlög Airberlin þotunnar við Leifsstöð verða mun tíminn leiða í ljós en virði hennar mun þó vera töluvert hærra en sem nemur skuld þýska flugfélagsins við Isavia.

Úrklippur af Tímarit.is
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …