Samfélagsmiðlar

2700 flugsæti til Póllands í hverri viku

Hið ungverska Wizz Air heldur áfram að bæta í flugið milli Íslands og Póllands og talskona þess segir flugfélagið sífellt vera að leita nýrra tækifæra.

wizz budapest

Á næsta ári mun Wizz Air halda uppi áætlunarflugi hingað frá 9 evrópskum borgum.

Lengi vel bauð Iceland Express upp á flug til bæði Varsjár og Kraká í Póllandi og borgirnar voru líka hluti að leiðakerfi WOW air þegar félagið hóf starfsemi. Nú flýgur WOW air aðeins til Varsjár tvisvar í viku yfir sumarmánuðina en framboð á flugi til Póllands hefur engu að síður margfaldast síðustu ár. Ástæðan er sú að ungverska lággjaldaflugfélagið Wizz Air flýgur í dag til Íslands frá fjórum pólskum borgum allt árið um kring og sú fimmta, Poznan, bætist við í vor.

„Næsta sumartímabil, frá lokum mars til enda október, munu við í heildina hafa á boðstólum 85.500 sæti á þessum fimm pólsku flugleiðum okkar frá Reykjavík. Að jafnaði eru þetta því 2700 sæti í viku hverri,“ segir Gabor Vasarhelyi, talskona Wizz Air, í svari til Túrista. Aðspurð segist húns ekki geta sagt til um hvort framboðið muni aukast enn frekar. „Við getum þó staðfest að í tengslum við mikinn vöxt Wizz Air þá erum við sífellt að leita tækifæra til að bæta við flugum og þannig koma til móts við eftirspurnina frá viðskiptavinum okkar.“

Þessar stórauknu flugsamgöngur hafa orðið til þess að pólskum farþegum á Keflavíkurflugvelli hefur fjölgað verulega í ár eða um nærri 22 þúsund frá janúar til október samkvæmt talningu Ferðamálastofu. Nemur vöxturinn 67,5% en hafa ber í huga að Pólverjar sem búa á Íslandi í lengri eða skemmri tíma hafa verið flokkaðir sem erlendir ferðamenn. En miðað við gistináttatölur Hagstofunnar þá eru vísbendingar um að stór hluti pólsku flugfarþeganna á Keflavíkurflugvelli séu búsettir hér á landi. Til að mynda fækkaði hótelnóttum Pólverja á Íslandi um 14% í september en á sama tíma fjölgaði pólskum flugfarþegum í Leifsstöð um nærri 75%.

Sem fyrr segir hefur Wizz Air flug héðan til Poznan í Póllandi í vor en auk þess býður félagið upp á reglulegar ferðir frá Keflavíkurflugvelli til pólsku borganna Varsjár, Gdansk, Katowice og Wroclaw. Þotur Wizz air fljúga einnig allt árið um kring til Íslands frá Búdapest, Prag, Vilnius og Riga. Þess má geta að lengi vel þurftu farþegar Wizz Air að greiða sérstaklega fyrir að taka með sér hefðbundinn handfarangur um borð en stjórnendur flugfélagsins lögðu þá gjaldtöku niður um síðustu mánaðarmót. Farþegar sem aðeins ferðast með handfarangur geta því í dag komist af með því að bóka aðeins flugsæti en þau ódýrustu til Poznan kosta t.d. rétt um 5 þúsund krónur með Wizz Air.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …