Samfélagsmiðlar

Farið með Flugrútunni hækkar

Sætið út á Keflavíkurflugvöll hækkar um 200 krónur og þar með breikkar verðbilið á milli Airport Express og Flugrútunnar.

Nú kostar farið frá BSÍ að Leifsstöð 2.700 kr.

„Verðið hefur ekki hækkað í rúmt ár þrátt fyrir aukin kostnað, til dæmis vegna launahækkana,“ segir Björn Ragnarsson, framkvæmdastjóri Kynnisferða, aðspurður um ástæður þess að fargjöld Flugrútunnar hækkuðu um síðustu mánaðarmót. Þá fór stakt fargjald úr 2.500 kr. í 2.700 kr. og farmiði, báðar leiðir, er nú á 4.900 kr. Hækkunin nemur um 9 prósentum.

Auk Flugrútunnar býður Gray Line upp á sætaferðir til og frá Keflavíkurflugvelli í tengslum við allt millilandaflug og kostar stakt far með fyrirtækinu 2.400 krónur. Sá sem kaupir farmiða báðar leiðir greiðir hins vegar 3.900 kr. hjá Gray Line eða um fimmtungi minna en hjá Flugrútunni. Þórir Garðarsson, stjórnarformaður Gray Line, segir að farmiðaverðið með Airport Express verði óbreytt eins og staðan er í dag. „Markaðshlutdeild okkar er að aukast og við erum þakklát fyrir það.“

Fyrr á þessu ári hélt Isavia útboð á aðstöðu fyrir rútuferðir til og frá Leifsstöð og buðu Kynnisferðir og Hópbílar hæst. Fyrrnefnda fyrirtækið mun þá greiða Isavia 41,2% af veltu Flugrútunnar fyrir áframhaldandi veru í og við flugstöðina. Það jafngildir 1.112 krónum af hverjum seldum miða sé miðað við hið nýja 2.700 kr. fargjald. En líkt og kom fram í umfjöllun Túrista í sumar þá er nemur farþegagjald Isavia í dag 173 kr. af hverjum seldum miða. Tekjur Isavia af rútustæðunum við Keflavíkurflugvöll gætu hátt í sjöfaldast þegar hið nýja greiðslufyrirkomulag tekur gildi eftir fjóra mánuði.

Þess má geta að forsvarsmenn Gray Line hafa boðað áframhald á áætlunarferðum sínum milli Holtagarða og Keflavíkurflugvallar þrátt fyrir að fyrirtækið fái ekki aðstöðu beint við útgang flugstöðvarinnar. Félagið áformar að nota sömu stoppustöð og Strætó nýtir fyrir sínar ferðir til og frá Keflavíkurflugvelli.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …