Fréttir

Hlutdeild flugfélaganna breytist í stórum stökkum

Farþegum WOW air fjölgaði um nærri helming í október en hjá Icelandair stóð fjöldinn í stað. Í flugferðum talið hafa einnig orðið miklar breytingar á vægi félaganna milli ára.

7. nóvember 2017

icelandair wow — Myndir: Icelandair og WOW air

Í október 2013 stóð Icelandair undir þremur af hverjum fjórum brottförum frá Keflavíkurflugvelli en fjórum árum síðar er hlutfallið komið niður í 46,4 prósent. Á sama tíma hefur vægi WOW air tvöfaldast samkvæmt talningum Túrista á flugumferð og eins eru erlend flugfélög nú með hátt í eina af hverjum fjórum brottförum en ekki tíundu hverja líkt og í október fyrir fjórum árum síðan.

Mánaðarlega gefa stjórnendur Icelandair og WOW air upp tölur yfir fjölda farþega og samkvæmt þeim þá flugu nærri 321 þúsund farþegar með Icelandair í október en 258 þúsund með WOW air. Hjá því fyrrnefnda jókst fjöldinn um 0,3% frá sama tíma í fyrra en aukningin nam 46% hjá því síðarnefnda. Vöxtur WOW heldur því áfram að vera mjög hraður og til samanburðar má þess geta að í mars síðastliðnum þá flutti Icelandair 252 þúsund farþega eða aðeins færri en WOW gerði í nýliðnum október.

Fréttir

Aukin réttindi farþega

Evrópusambandið hefur haft forystu um að tryggja réttindi farþega - sama hver flutningsmátinn er. Endurskoðun núverandi réttinda felur þó í sér töluverðar úrbætur og aukin réttindi. Aðildaríki eru hvött til að sýna meira frumkvæði í stað þess að bregðast einungis við kvörtunum.

Fréttir

Íslensku flugfélögin gætu orðið hluti af stærri einingu

Ólík afkoma í ferðaþjónustu, tækifærin á Grænlandi og staða íslenskra flugfélaga er meðal þess sem bankastjóri Arion banka fer hér yfir.

Fréttir

Milljón bílar

Breskir bílaframleiðendur gera ráð fyrir að smíða eina milljón bíla á þessu ári - töluvert fleiri en spáð hafði verið en færri en fyrir heimsfaraldur. Ríkisstjórnin hefur varið háum fjárhæðum í styrki til að örva framleiðsluna og afkastamiklir framleiðendur fjárfest mikið í nýjum verksmiðjum.

Fréttir

Fækka ferðunum til bandarísku höfuðborgarinnar

Það dregur aðeins úr samkeppni íslensku flugfélaganna í Washington borg eftir áramót.

Fréttir

Útgerðir leiðangursskipa lýsa andstöðu við innviðagjald

Í fyrstu drögum áætlunar um aðgerðir í tengslum við ferðamálastefnu til ársins 2030 kemur fram hugmynd um að lagt verði á sérstakt innviðagjald á skemmtiferðaskip sem flytja ferðamenn til Íslands og fara með þá hringinn í kringum það. „Gjaldtakan miðist við að jafna samkeppnisstöðu innlendra og erlendra aðila,“ segir í fyrstu tillögum starfshópa ferðamálaráðherra, sem … Lesa meira

Fréttir

Flug til útlanda lækkar mest en rafmagn, skór og appelsínur hækka meira en flest annað

Verð á nettengingum hefur líka lækkað og það sama gildir um símanotkun. Aftur á móti getur verið dýrara að fá sér ávöxt í kuldanum.

Fréttir

Útlitið líka dekkra hjá Play

Dregið hefur úr eftirspurn eftir Íslandsferðum vegna jarðhræringa á Reykjanesi. Það hefur neikvæð áhrif á afkomu íslensku flugfélaganna.

Fréttir

Samskipti Grikkja og Breta í hnút vegna deilu um stolnar höggmyndir úr Meyjarhofinu

Forsætisráðherra Grikklands, Kyriakos Mitsotakis, átti í dag bókaðan fund með breskum starfsfélaga sínum, Rishi Sunak. Skömmu áður en fundurinn átti að hefjast frestaði Sunak fundinum. Mitsotakis segir ástæðuna vera deila ríkjanna um skil á stolnum höggmyndum.