Samfélagsmiðlar

Næstu brottfarir til Barcelona á 6 þúsund krónur

Það hefur sennilega aldrei áður verið jafn ódýrt að bóka flugmiða til Barcelona með stuttum fyrirvara. Og þar í borg fæst líka gistingin á tilboði.

barcelona jol

Jólaljósin í Barcelona.

Það hefur verið róstursamt í höfuðborg Katalóníu síðustu mánuði og túristum í þessari vinsælu ferðamannaborg hefur farið fækkandi. Og af fargjöldum Norwegian og WOW air að dæma þá er eftirspurn eftir flugi milli Keflavíkurflugvallar og El Prat í Barcelona ekki mikil. Þannig kostar aðeins 5.999 krónur að bóka í dag far með WOW air til Katalóníu á morgun og brottfarir næstu viku eru á sama verði. Með Norwegian kostar beina flugið héðan til Barcelona rétt tæpar 10 þúsund krónur næstu daga en bæði flugfélög rukka oftar meira fyrir heimferðina. Það er engu að síður hægt að fljúga báðar leiðir fyrir óvenju lítið næstu daga en þó ber að hafa í huga að borga þarf aukalega fyrir farangur hjá WOW og Norwegian.

Það er þó ekki nóg að fá ódýra flugmiða út í heim því gistingin kostar sitt. En vegna þess hve ferðaþjónustan í Barcelona er í mikilli vörn þá má finna töluvert af hóteltilboðum þar í borg akkúrat núna. Á vef Tablet Hotels, þar sem aðeins eru sérvalin hótel, má t.d finna sjö tilboð í Barcelona og úrvalið er ennþá meira á tilboðssíðu Booking.com.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …