Samfélagsmiðlar

Rússar ætla að fljúga með Íslendinga á HM

Í sumar mun rússneska flugfélagið S7 bjóða upp beint flug héðan til Moskvu. Það gæti komið að góðum notum fyrir þá sem ætla á heimsmeistaramótið í knattspyrnu.

Á laugardögum í sumar munu þotur S7 leggja upp að Leifsstöð.

Hátt í 6 þúsund Rússar lögðu leið sína til Íslands í sumar sem er nærri 80 prósent aukning frá því í fyrrasumar. Og yfir háannatímann á næsta ári gæti rússneskum ferðalöngum fjölgað töluvert því þá mun í fyrsta skipti rússneskt flugfélag bjóða upp á áætlunarferðir til Íslands. Það er flugfélagið S7 sem er eitt af þeim stærstu í Rússlandi.

Aldrei fyrr hafa verið í boði áætlunarferðir milli Íslands og Moskvu og Nadja Goreva, talskona S7, dregur ekki dul á að þátttaka íslenska karlalandsliðsins á heimsmeistaramótinu í Rússlandi, hafi ýtt undir ákvörðunina um að hefja Íslandsflug. „S7 stækkar leiðakerfi sitt reglulega með því að bæta við nýjum evrópskum áfangastöðum. En við gerum ráð fyrir að því þeir Íslendingar sem ætla að ferðast til Rússlands næsta sumar, á meðan á heimsmeistaramótinu stendur, nýti sér ferðirnar.”

Fyrsta flug S7 til Íslands er á dagskrá þann 9. júní en heimsmeistaramótið hefst fimm dögum síðar. Ef Ísland spilar í Moskvu þá verður það annað hvort miðvikudaginn 20. júní eða laugardaginn 23. júni. Þotur S7 taka hins vegar ekki á loft frá Keflavíkurflugvelli fyrr en rétt fyrir miðnætti á laugardagskvöldum og lenda svo í Moskvu klukkan 7 að morgni sunnudags. Flugáætlunin hentar því ekki fyrir þá sem ætla að fljúga út til að horfa á einn leik í Moskvu en þar sem S7 er mjög umsvifamikið í innanlandsflugi þá býður félagið upp á tengiflug til fjölda margra borga í Rússlandi frá Domodedovo flugvelli. Ódýrasta farið með S7 frá Íslandi til Moskvu kostar í dag rúmlega 17 þúsund krónur.

Sem fyrr segir verður þetta í fyrsta skipti sem boðið er upp á áætlunarflug milli Íslands og Moskvu en ætli íslensku flugfélögin að hefja flug til Asíu þurfa þau að semja við Rússa um leyfi til að fljúga yfir landið þeirra. Hluti af þess háttar samkomulagi er oft að viðkomandi flugfélag hefji einnig áætlunarflug til rússnesks áfangastaðar. Það yrði þó ekki í fyrsta skipti sem íslenskt flugfélag flygi reglulega til Rússlands því Sankti Pétursborg var hluti af leiðakerfi Icelandair sumrin 2013 og 2014.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …